అంచనా కన్నా తక్కువ ఉత్పత్తి.. జరిమానా విధించండి: డీజీహెచ్

2012-13లో రోజుకు 86.73 మిలియన్ మెట్రిక్ ప్రామాణిక ఘనపు మీటర్ల గ్యాస్ ఉత్పత్తి చేయాలన్నది లక్ష్యం కాగా.. సగటున 26.07 ఎంసీఎండీ మాత్రమే ఉత్పత్తి చేసిందని గన నెల 22న చమురు శాఖకు రాసిన లేఖలో డీజీహెచ్ పేర్కొంది. దీంతో కేజీ క్షేత్రంపై పెట్టిన పెట్టుబడుల్లో 1.786 బిలియన్ డాలర్ల వ్యయాలను ఆర్‌ఐఎల్ రికవరీ చేసుకోవడాన్ని అనుమతి ఇవ్వలేదని ఉన్నతాధికారి ఒకరు చెప్పారు.

రిలయన్స్ ఇండస్ట్రీస్ (ఆర్‌ఐఎల్) 80 ఎంసీఎండీ మేర గ్యాస్ ఉత్పత్తి చేయడానికి సరిపడా మౌలిక సదుపాయాలు ఏర్పాటు చేసినా.. ప్రస్తుతం 14 ఎంసీఎండీ మాత్రమే ఉత్పత్తి చేస్తోంది. రిలయన్స్ ముందుగా చెప్పిన స్థాయిలో సహజ వాయువుని తవ్వకపోవడం వల్లే ఉత్పత్తి క్షీణించిపోయాయని, దీంతో మౌలిక సదుపాయాలు నిరుపయోగంగా మారాయని డీజీహెచ్ ఆరోపించింది. వ్యయాల రికవరీని అనుమతించకపోవడం వల్ల ఆర్‌ఐఎల్ అదనంగా లాభాల్లో వాటాల కింద 2012-13 ఆర్థిక సంవత్సరానికి 114 మిలియన్ డాలర్లు ప్రభుత్వానికి చెల్లించాల్సి ఉంటుందని డీజీహెచ్ పేర్కొన్నట్లు సంబంధిత వర్గాలు తెలిపాయి.

వన్ఇండియా మనీ తెలుగు