హైదరాబాద్: విమానయాన సంస్ద బ్రిటిష్ ఎయిర్‌వేస్ రానున్న అక్టోబర్ 27 నుండి హైదరాబాద్ - లండన్ మధ్య ప్రతి రోజూ నాన్ స్టాప్ విమాన సర్వీసులు నడపనుంది. ప్రస్తుతం బ్రిటిష్ ఎయిర్‌వేస్ ఈ రెండు నగరాల మధ్య వారంలో ఆరు విమానాలను నడుపుతుంది. దక్షిణ ఆసియాలో ప్రధాన మార్కెట్‌గా ఈ సర్వీసు నిలవడంతో హైదరాబాద్- లండన్ మధ్య సర్వీసుల సంఖ్యను పెంచాయమని బ్రిటిష్ ఎయిర్‌వేస్ దక్షిణ ఆసియా ప్రాంత కమర్షియల్ మేనేజర్ క్రిస్టోఫర్ పోర్డిస్ తెలిపారు. బిజినెస్ పరంగా బ్రిటిష్ ఎయిర్‌వేస్‌కు లండన్ తర్వాత స్దానాల్లో అమెరికా, భారతేనని చెప్పారు.

ఇది ఇలా ఉంటే ప్రతి సంవత్సరం 1.5 కోట్ల మంది భారతీయులు వివిధ దేశాలకు వెళ్తున్నారు. ఇటీవల వెల్లడించిన నివేదిక ప్రకారం 2020 నాటికి ఈ సంఖ్య 5 కోట్లకు చేరుకుంటుందని ఆయన అన్నారు. ప్రయాణికుల్లో సుమారు 25% ప్రీమియం క్లాస్‌ను ఎంచుకుంటున్నారు. ఇక మధ్య తరగతివారి సంఖ్య 2030 కల్లా ప్రస్తుతమున్న 5% నుండి 50 శాతానికి పెరగుతుందన్నారు. అంతేగాక సంపన్నుల సంఖ్య 2 లక్షల నుంచి 12 లక్షలకు చేరుతుందిని చెప్పారు. బ్రిటిష్ ఎయిర్‌వేస్ లండన్ నుండి హైదరాబాద్, ఢిల్లీ, ముంబై, బెంగళూరు, చెన్నై నగరాలకు వారంలో 46 విమానాలను నడుపుతోంది.

వన్ఇండియా మనీ తెలుగు