ముంబై: భారతీయ రిజర్వ్ బ్యాంక్ బోర్డు డైరెక్టర్ పదవికి ఆదిత్య బిర్లా గ్రూప్ ఛైర్మన్ కుమార మంగళం బిర్లా రాజీనామా చేశారు. గ్రూప్ సంస్ద ఆదిత్య బిర్లా నువో కొత్త బ్యాంకింగ్ లైసెన్స్ కోసం దరఖాస్తు చేయడంతో ముందు జాగ్రత్తగా రిజర్వ్ బ్యాంక్ ఆఫ్ ఇండియా బోర్డు నుండి తప్పుకున్నట్లు పేర్కొన్నారు. రిజర్వ్ బ్యాంక్ ఆఫ్ ఇండియా బోర్డులో కొనసాగడం వల్ల బ్యాంకింగ్ లైసెన్స్ లబ్ది పొందామన్న విమర్శలు తలెత్తకుండా డైరెక్టర్ పదవికి నాలుగు రోజుల క్రితమే రాజీనామా చేసినట్లు తెలిపారు. ఇక కుమార మంగళం బిర్లా 2006లో రిజర్వ్ బ్యాంక్ ఆఫ్ ఇండియా బోర్డులో డైరెక్టర్ పదవికి నామినేట్ అయ్యారు.

బిర్లా గ్రూప్ సంస్థ బ్యాంకింగ్ లెసైన్స్‌కు దరఖాస్తు చేసినప్పటికీ ఆయన బోర్డులో కొనసాగడం గమనార్హం. ఈ విషయంపై భారతీయ కమ్యూనిస్ట్ పార్టీ (సీపీఐ) ఇప్పటికే అభ్యంతరాలను లేవనెత్తడంతో ఆర్‌బీఐ గవర్నర్ దువ్వూరి సుబ్బారావు ఈ విషయంపై దృష్టిపెడతామని చెప్పారు. కాగా, వచ్చే ఏడాది మార్చికల్లా ఆర్‌బీఐ కొత్త బ్యాంకుల లెసైన్స్‌లను జారీ చేసే అవకాశముంది. లెసైన్స్ దరఖాస్తు గడువు జులై 1తో ముగియడంతో, మొత్తం 26 సంస్థలు పోటీలో నిలిచాయి. ప్రస్తుతం దేశీయంగా 26 ప్రభుత్వ రంగ బ్యాంకులతోపాటు, 22 ప్రైవేట్ రంగ బ్యాంకులు, 56 గ్రామీణ బ్యాంకులు, పలు విదేశీ బ్యాంకులు కూడా సేవలందిస్తున్న విషయం తెలిసిందే.

దేశంలో ప్రైవేటు బ్యాంకుల ఏర్పాటుకు ఆర్‌బీఐ 1993లో ప్రకటనను జారీ చేసింది. అప్పట్లో ఐసీఐసీఐ బ్యాంక్ సహా మొత్తం 10 కొత్త బ్యాంకులకు లెసైన్స్‌లు మంజూరయ్యాయి. చివరిసారిగా భారత్‌లో బ్యాంకింగ్ లెసైన్స్‌లు 2001లో జారీ అయ్యాయి. కొటక్ మహీంద్రా బ్యాంక్, యస్ బ్యాంక్(2004లో)లు అప్పుడు వచ్చినవే. అంటే సుమారు మళ్లీ పది సంవత్సరాల తర్వాత ఆర్‌బీఐ బ్యాంకింగ్ లెసైన్స్‌లకు లైన్ క్లియర్ చేసింది.

కొత్త బ్యాంకుల కోసం ఆర్‌బీఐకి దరఖాస్తులు పంపిన సంస్దలు:
1. ఆదిత్య బిర్లా నువో లిమిటెడ్, ముంబై.
2. బజాజ్ ఫిన్సేర్వ్ లిమిటెడ్, పూనే.
3. బంధన్ ఫైనాన్షియల్ సర్వీసెస్ ప్రైవేట్. లిమిటెడ్, కోలకతా.
4. తపాలా విభాగం, న్యూ ఢిల్లీ.
5. ఎడిల్వైస్ ఫైనాన్షియల్ సర్వీసెస్ లిమిటెడ్, ముంబై.
6. IDFC లిమిటెడ్, ముంబై.
7. IFCI లిమిటెడ్, న్యూఢిల్లీ.
8. ఇండియాబుల్ల్స్ హౌసింగ్ ఫైనాన్స్ లిమిటెడ్, న్యూఢిల్లీ.
9. ఇండియా ఇన్పోలైన్ లిమిటెడ్, ముంబై.
10. INMACS మేనేజ్మెంట్ సర్వీసెస్ లిమిటెడ్, గుర్గావ్.
11. జయలక్ష్మీ ఫైనాన్షియల్ సర్వీసెస్ ప్రైవేట్. లిమిటెడ్, బెంగుళూర్.
12. J M ఫైనాన్షియల్ లిమిటెడ్, ముంబై.
13. LIC హౌసింగ్ ఫైనాన్స్ లిమిటెడ్, ముంబై.
14. L & T ఫైనాన్స్ హోల్డింగ్స్ లిమిటెడ్, ముంబై.
15. మాగ్నా ఫిన్ కార్ప్ లిమిటెడ్, కోలకతా.
16. ముత్తూట్ ఫైనాన్స్ లిమిటెడ్, కొచీ.
17. రిలయన్స్ కాపిటల్ లిమిటెడ్, ముంబై.
18. రిలిగేర్ ఎంటర్ప్రైజెస్ లిమిటెడ్, న్యూఢిల్లీ.
19. శ్రీరామ్ కాపిటల్ లిమిటెడ్, చెన్నై.
20 స్మార్ట్ గ్లోబల్ వెంచర్స్ ప్రైవేట్. లిమిటెడ్, నోయిడా.
21. SREI ఇన్ఫ్రాస్ట్రక్చర్ ఫైనాన్స్ లిమిటెడ్, కోలకతా.
22. సూర్యమాని ఫైనాన్సింగ్ కంపెనీ లిమిటెడ్, కోలకతా.
23. టాటా సన్స్ లిమిటెడ్, ముంబై.
24. భారతదేశం లిమిటెడ్ పర్యాటక ఫైనాన్స్ కార్పొరేషన్, న్యూఢిల్లీ.
25. UAE ఎక్స్చేంజ్ & ఫైనాన్షియల్ సర్వీసెస్ లిమిటెడ్, కొచీ.
26. వాల్యూ ఇండస్ట్రీస్ లిమిటెడ్, ఔరంగాబాద్.

వన్ఇండియా మనీ తెలుగు