ఐతే మార్చి క్వార్టర్‌లో రూ.2,394 కోట్ల లాభంతో పోలిస్తే.. త్రైమాసిక ప్రాతిపదికన ఒక శాతం తగ్గుదల. ఇన్ఫీ కన్సాలిడేటెడ్ ఆదాయం క్యూ1లో రూ.11,267 కోట్లకు పెరిగింది. వార్షికంగా 17 శాతం, త్రైమాసికంగా 8 శాతం చొప్పున వృద్ధి చెందింది.

ప్రస్తుత ఆర్థిక సంవత్సరం(2013-14)లో డాలరు రూపంలో ఆదాయ గెడైన్స్‌ను 6-10 శాతంగానే ఎలాంటి మార్పులూ లేకుండా కొనసాగిస్తున్నట్లు ఇన్ఫోసిస్ ప్రకటించింది. గెడైన్స్‌ను యథాతథంగా కొనసాగించడం వల్ల ఇన్వెస్టర్లలో కంపెనీపై మళ్లీ విశ్వాసం పుంజుకుంది. ఇది ఇలా ఉంటే దేశీయ ఐటీ పరిశ్రమ ఆదాయ వృద్ధిపై నాస్కామ్ 12-14 శాతం గెడైన్స్ కంటే ఇన్పోసిస్ గెడైన్స్ చాలా తక్కువగా నమోదైంది.

మెరుగైన ఫలితాలను నమోదు చేయడం.. ఆదాయ గెడైన్స్‌లో ఎలాంటి మార్పులు చేయక పోవడంతో నిన్న ఇన్ఫోసిస్ షేర్లు లాభాల్లో ట్రేడ్ అయ్యాయి. దీంతో బీఎస్‌ఈలో ఇన్పోసిస్ షేరు ధర క్రితం ముగింపు రూ.2,527తో పోలిస్తే ఒకానొక దశలో 15 శాతం దూసుకెళ్లి... రూ.2,905ను తాకింది.

అనుబంధ సంస్దలతో కలిపి ఇన్పోసిస్ ఈ ఏడాది Q1లో 66 కొత్త క్లయింట్లను దక్కించుకుంది. Q1లో కంపెనీ స్దూలంగా 10,138 మంది ఉద్యోగులను నియమించుకుంది. ఇది ఇలా ఉంటే 9,568 మంది ఉద్యోగులు ఇన్పోసిస్‌ను వీడటంతో మార్చి క్వార్టర్‌లో నికర నియామకాల సంఖ్య కేవలం 575కే పరిమితమైంది. జూన్ నెలాఖరుకల్లా మొత్తం ఉద్యోగుల సంఖ్య 1,57,263కు చేరింది.

అంతర్జాతీయంగా ఆర్దిక పరిస్దితుల్లో అనిశ్చితి, సవాళ్లు, కరెన్సీ విలువలో హెచ్చు తగ్గులు ఉన్నప్పటికీ.. తొలి త్రైమాసికంలో మంచి పనితీరునే ప్రదర్శించిందని ఇన్ఫోసిస్ సీఈఓ, ఎండీ ఎస్‌డీ శిబులాల్ అన్నారు. Q1లో 5-10 కోట్ల డాలర్ల స్థాయిలో ఏడు పెద్ద అవుట్‌సోర్సింగ్ డీల్స్‌ను దక్కించుకున్నామని అన్నారు.