న్

యూఢిల్లీ: టెలికమ్యూనికేషన్ల విభాగం (డాట్) రూ. 650 కోట్ల అపరాధ రుసుము విధిస్తూ పంపిన నోటీసుపై భారతీ ఎయిర్‌టెల్ న్యాయస్దానాన్ని ఆశ్రయించింది. రోమింగ్ నిబంధనలను భారతీ అతిక్రమించినట్లు ఆరోపిస్తూ డాట్ ఎయిర్ టెల్‌కు నోటీసు ఇచ్చిన విషయం తెలిసిందే. 2002-2005 సంవత్సరాల మధ్య మా చందాదారులకు అందించిన సబ్ స్క్రైబర్ లోకల్ డయలింగ్ (ఎస్ఎల్డీ) సేవలకు సంబంధించి డాట్ నుండి రూ. 650 కోట్ల డిమాండ్ నోటీసు అందుకోవడం చాలా నిరుత్సాహాన్ని కలిగించిందని ఎయిర్ టెల్ పేర్కొంది.

ఎయిర్ టెల్ రోమింగ్ చందాదారులకు జాతీయ, అంతర్జాతీయ కాల్స్‌ను స్దానిక కాల్స్‌గా మళ్లించిందని డాటా ఆరోపిస్తుంది. సబ్ స్క్రైబర్ లోకల్ డయలింగ్ సేవతో వచ్చిన మొత్తం ఆదాయం కొన్ని లక్షల రూపాయలే ఉంటుందని.. ఈ సేవ వినియోగదారులకు ప్రయోజనకరమే కాక లైసెన్స్ షరతులకు లోబడి మేము కాల్స్ మళ్లించిన విషయం డాట్‌ తెలుసునని ఎయిర్ టెల్ పేర్కొంది.

రోమింగ్ నిబంధనల ఉల్లంఘనకు గాను భారతీ ఎయిర్‌టెల్‌కు రూ. 650 కోట్లకు జరిమానా విధిస్తూ కేంద్ర ప్రభుత్వం నిర్ణయం తీసుకుంది. ఎయిర్‌టెల్‌కు ఈ జరిమానా విధించే విషయంపై టెలికం మంత్రి కపిల్ సిబల్ మోదం తెలిపినట్లు ఆ శాఖ అధికారి తెలిపారు. 2003-2005 మధ్య సబ్‌స్క్రయిబర్ లోకల్ డయలింగ్(ఎస్‌ఎల్‌డీ) స్కీమ్‌లో నిబంధనలను కంపెనీ అతిక్రమించి... జాతీయ అంతర్జాతీయ కాల్స్‌ను లోకల్ కాల్స్ గా మార్చిందని ఆరోపణ. దీన్ని 2003 నిలిపివేయాల్సిందిగా కోరినా.. పట్టించుకోకుండా 2005 వరకు కొనసాగించిందని టెలికం మంత్రిత్వశాఖ పేర్కొంది.

ఇలా చేయడం వల్ల ప్రభుత్వరంగ బీఎస్‌ఎన్‌ఎల్‌కు, సర్కారు ఖజానాకు భారీగా నష్టం వాటిల్లిందని కమిటీ తేల్చిచెప్పింది. కాగా, జరిమానా చెల్లించాల్సిందిగా ఎయిర్‌టెల్‌కు ఈ వారంలోనే డిమాండ్ నోటీసును జారీ చేయనున్నట్లు ఆ అధికారి చెప్పారు.

వన్ఇండియా మనీ తెలుగు