న్యూఢిల్లీ: వినియోగదారుల కోసం బీఎస్ఎన్ఎల్ ప్రత్యేక రోమింగ్ పథకాలను ప్రవేశపెట్టింది. దీంతో వినియోగదారులు రోమింగ్‌లో (దేశంలోని ఇతర ప్రాంతాలకు వెళ్లినప్పడు) ఉన్నప్పడు ఉచితంగా (రోమింగ్ ఛార్జీ ఉండదు) ఇన్ కమింగ్స్ కాల్స్‌ను స్వీకరించవచ్చని బీఎస్ఎన్ఎల్ తెలిపింది. అవుట్ గోయింగ్ కాల్స్‌కు, ఎస్ఎంఎస్‌లకు ఛార్జీ తక్కువగా ఉంటుంది. వినియోగాదరులు ఎంచుకోవడానికి అనగుణంగా రోమింగ్ పథకాలను ప్రవేశపెట్టాలని ట్రాయ్ ఆదేశించడంతో ఇప్పటికే ప్రైవేటు రంగంలోని టెలికం కంపెనీలు ఇటువంటి పథకాలను ప్రవేశపెట్టాయి. ఇప్పడు కొత్తగా బీఎస్ఎన్ఎల్ రంగంలోకి దిగింది.

దేశంలోని ఇతర ప్రాంతాలకు వెళ్లినప్పుడు రోమింగ్ కోసం ప్రత్యేకంగా రెండు టారిఫ్ ఓచర్లను విడుదల చేసింది. రోజూ రూ. 5 లేదా 30 రోజులకు రూ. 69 వోచర్ల ద్వారా రోమింగ్‌లో అపరిమితంగా ఇన్ కమింగ్ కాల్స్‌ను పొందవచ్చు. స్దానిక లేదా నేషనల్ అవుట్ గోయింగ్ కాల్స్‌కు సెకనుకి 1.5 పైసలు వసూలు చేస్తుంది. ఇకపోతే పోస్ట్ పెయిడ్ వినియోగదారులు కోసం రెండు రోమింగ్ టారిఫ్ పథకాలను ప్రవేశపెట్టింది. రూ. 145, రూ. 625 పథకాల్లో ఉచిత కాల్స్, ఎస్ఎంఎస్‌లు అందుబాటులో ఉంటాయి.

అదే విధంగా రూ. 149, రూ. 825 పథకాల్లో నెల రోజుల పాటు అపరిమిత ఉచిత ఇన్ కమింగ్స్ కాల్స్ సదుపాయం ఉంది. ప్రీ పెయిడ్ వినియోగదారుల కోసం రూ. 405, రూ. 705 రోమింగ్ టారిఫ్ పథకాలను ప్రవేశపెట్టింది.

వన్ఇండియా మనీ తెలుగు