న్యూఢిల్లీ: ఈ ఏడాదికి దేశీయ మార్కెట్లో సుమారు రూ. 2.5 లక్షల కోట్లను పెట్టుబడి పెట్టనున్నట్లు ప్రభుత్వ రంగ బీమా దిగ్గజం ఎల్‌ఐసీ పేర్కొంది. ప్రస్తుతం ఎల్ఐసీ క్రింద ఉన్న నిధులను బాండ్లు.. ఈక్విటీల్లో పెట్టుబడులకు మళ్లించనున్నట్లు కంపెనీ ఛైర్మన్ ఎస్‌ రాయ్ వెల్లడించారు. గత ఏడాది కూడా సుమారు 2.25 లక్షల కోట్లను పెట్టుబడి పెట్టిన విషయాన్ని ప్రస్దావించారు. ఐతే ఈ ఏడాది పెట్టుబడల లక్ష్యాన్ని 10 శాతానికి పెంచినట్లు తెలిపారు.

ఇక పబ్లిక్ ఇష్యూలు, సెకండరీ మార్కెట్ లావాదేవీల్లో దేనికి ప్రాధాన్యత ఉంటున్నందన్న అంశాలపై స్పందిస్తూ మార్కెట్ పరిస్దితులకు అనుగుణంగా పెట్టబడులుంటాయని అన్నారు. ఐతే గత కొన్ని వారాలుగా స్టాక్ మార్కెట్లలో అవకాశాలు మెరుగుపడటంతో వాటిల్లో పెట్టబడి పెడుతున్నామన్నాురు. ఇది ఇలా ఉంటే ఈ ఏడాది ఎల్ఐసీ ప్రీమియంకు సంబంధించిన ఆదాయం 15 శాతం వృద్ధిచెందే అవకాశమున్నదని అన్నారు. ఐతే 2012-13లో కంపెనీ ప్రీమియంల ఆదాయం 6.5% క్షీణించి రూ. 76,200 కోట్లకు పరిమితమైంది. ఈ ఆదాయాన్ని పెంచుకునే బాటలో ఇకపై గ్రామీణ ప్రాంతాలతోపాటు చిన్న పట్టణాలపై దృష్టి సారించనుందని అన్నారు.

వన్ఇండియా మనీ తెలుగు