న్యూఢిల్లీ: పూర్తి స్దాయిలో బ్యాంకింగ్ సేవలు అందించేందుకు గాను దరఖాస్తు చేసుకన్న వాటిలో తాజాగా తపాలా శాఖ చేరింది. బ్యాంకు లైసెన్సు కోసం తపాలా శాఖ దరఖాస్తు చేసింది. ఆర్‌బీఐ నిబంధనలకు అనుగుణంగా తపాలా శాఖ దరఖాస్తు చేసుకుంది. బ్యాంకు ఏర్పాటుకి ఆర్‌బీఐ అనుమతిస్తుందని టెలికం మంత్రి కపిల్ సిబల్ చెప్పారు. తపాలా బ్యాంకు ఏర్పాటు జరిగితే దేశంలో విప్లమాత్మక మార్పు వస్తుంది. పోస్టల్ బ్యాంకుతో సామాన్యుల ముంగిటికి బ్యాంకింగ్ సర్వీసులు చేర్చడం సాధ్యపడుతుందన్నారు. బ్యాంకింగ్ లెసైన్సుల కోసం దరఖాస్తు చేసుకోవడానికి జూలై 1 ఆఖరు తేది.

ప్రస్తుతం పోస్టల్ విభాగానికి దేశవ్యాప్తంగా 1,54,822 పోస్టాఫీసులు ఉన్నాయి. వీటిలో 1,39, 086 గ్రామీణ ప్రాంతాల్లోను, మిగతావి పట్టణ ప్రాంతాల్లోనూ ఉన్నాయి. బ్యాంకుల శాఖల విషయానికొస్తే..90,000 ఉన్నాయి. పోస్టల్ నెట్‌వర్క్ అందుబాటులోకి వస్తే ఈ సంఖ్య దాదాపు మూడిం తలు అవుతుంది. పోస్ట్ బ్యాంకు ఏర్పాటు కు రూ. 1,900 కోట్ల నిధుల కోసం పోస్టల్ విభాగం అంతర్-మంత్రిత్వ శాఖలతో చర్చలు జరుపుతోంది.

ఇక బ్యాంకు ఏర్పాటు చేసేందుకు లైసెన్సు కోసం రిజర్వ్ బ్యాంక్ ఆఫ్ ఇండియా (ఆర్‌బీఐ)కి దరఖాస్తు పెట్టడానికి ప్రభుత్వ రంగంలోని ఐఎఫ్‌సీఐతో పాటు, ఇండియా ఇన్పోలైన్‌కు ఆ సంస్ద బోర్డులు ఆమోదం తెలిపాయి. మరో ప్రక్క, బజాజ్ ఫిన్ సర్వ్ బ్యాంకింగ్ వ్యాపార లైసెన్స్ కోరుతూ ఆర్‌బీఐకి దరఖాస్తు ఇచ్చినట్లు ఒక ప్రకటనలో తెలిపింది.

వన్ఇండియా మనీ తెలుగు