బంగారు అమ్మకాలను నిలిపివేయడంసహా, బంగారం తనఖాగా ఫైనాన్షింగ్‌ను సైతం సంస్థ సస్పెండ్ చేయనున్నామని అన్నారు. రిలయన్స్ గోల్డ్ సేవింగ్స్ ఫండ్‌లో కొత్త చందాదారులను చేర్పించడాన్ని కూడా నిలిపివేయాలని రిలయన్స్ క్యాపిటల్ అసెట్ మేనేజ్‌మెంట్ నిర్ణయించింది. అయితే ప్రస్తుత ఎస్‌ఐపీ ఇన్వెస్టర్లపై ఈ నిర్ణయం ప్రభావం ఉండదని పేర్కొంది. ప్రస్తుతం ఈ ఫండ్ రూ.2,200 కోట్ల ఆస్తులను నిర్వహిస్తోంది. పసిడిపై ప్రభుత్వం, ఆర్‌బీఐ విధాన లక్ష్యాలకు మద్దతుగా ఈ నిర్ణయం తీసుకుంది.

ఇది ఇలా ఉంటే జ్యువెలరీ ఎగుమతులను పెంచే యోచనతో ప్రభుత్వం బంగారు ఆభరణాలపై డ్యూటీ డ్రాబ్యాక్ రేటును రూ. 73మేర పెంచింది. ప్రతిగ్రాము ఆభరణాలపై ప్రస్తుతం అమలవుతున్న రేటు రూ. 100.70 నుంచి రూ. 173.7కు పెరిగింది. డ్యూటీ డ్రాబ్యాక్ అంటే ఎగుమతి చేయగల వస్తువులకు సంబంధించి దిగుమతి చేసుకునే ముడిసరుకులపై విధించే పన్నుకు సంబంధించిన రిఫండ్. ఈ ట్యాక్స్ రిఫండ్ పెంపును కేంద్ర ఎక్సైజ్, కస్టమ్స్ బోర్డు(సీబీఈసీ) శుక్రవారం తన ప్రకటనలో పేర్కొంది.

వన్ఇండియా మనీ తెలుగు