న్యూఢిల్లీ: మైక్రోసాప్ట్ ఇండియా ఎంటర్‌ప్రైజెస్‌ బిజినెస్‌ హెడ్‌గా వ్యవహరిస్తున్న కరణ్ బాజ్వాను సేల్స్‌ అండ్‌ మార్కెటింగ్‌కు మేనేజింగ్‌ డైరెక్టర్‌‌గా నియమిస్తున్నట్లు ఒక ప్రకటనలో పేర్కొంది. ఇక మీదట కరణ్ బాజ్వా డైరెక్టుగా మైక్రోసాఫ్ట్‌ ఇండియా చైర్మన్‌ భాస్కర్‌ ప్రమాణిక్‌కు రిపోర్టు చేస్తారు. మేనేజింగ్‌ డైరెక్టర్‌‌గా కరణ్ బాజ్వా ఐదు సంవత్సరాల పాటు కంపెనీకి తన సేవలను అందిస్తారని మైక్రోసాప్ట్ ఇండియా తన ప్రకటనలో తెలిపింది.

ప్రస్తుతం మేనేజింగ్‌ డైరెక్టర్‌గా ఉన్న సంకేత్‌ అక్రేకర్‌ను కంపెనీ పని మీద అమెరికా పంపిస్తున్నారు. సంకేత్‌ అక్రేకర్‌ మైక్రోసాఫ్ట్‌ కార్పొరేషన్‌లో 2003 నుంచి పని చేస్తున్నారు. ఐతే 2010లో సంకేత్‌ అక్రేకర్‌ భారత అనుబంధ సంస్థకు మారారని కంపెనీ తన ప్రకటనతో తెలిపింది. సంకేత్‌ అక్రేకర్‌ ప్రస్తుతం మేనేజింగ్‌ డైరెక్టర్‌గా నిర్వహిస్తున్న పదవిలో జులై 2013 వరకూ కొనసాగుతారు.

కొత్తగా ఈ స్దానంలోకి రానున్న కరణ్ బాజ్వాకు సహాయపడేందుకు సంకేత్ ఆక్రేకర్ జులై చివరి వరకూ ఈ పదవిలో ఉంటారు. ఆయనతో పాటు కంపెనీ పలు మార్పులు చేసింది. ఇది ఇలా ఉంటే మైక్రో సాఫ్ట్‌ ఇండియా జనరల్‌ మేనేజర్‌ (మార్కెటింగ్‌ అండ్‌ ఆపరేషన్స్‌) ఫ్లోరిస్‌ వాన్‌ మేజిస్ట్‌... జులై నెల్లో యూరోప్‌లో సీనియర్‌ పదవిలో నియమిస్తున్నట్లు మైక్రోసాప్ట్ ప్రకటనలో పేర్కొంది. ఫ్లోరిస్‌ వాన్‌ మేజిస్ట్‌ మైక్రోసాఫ్ట్‌లో 2005లో చేరారు. 2010 నుండి ఇండియాలో పనిచేస్తున్నారు. ఫ్లోరిస్ యూరోప్‌కి వెళ్లడంతో ఆయన స్దానంలో త్వరలోన మరొకరిని తీసుకుంటారని కంపెనీ ప్రకటనలో వివరించింది.

వన్ఇండియా మనీ తెలుగు