న్యూఢిల్లీ: సహారా గ్రూప్ సంస్ద పెట్టుబడిదారుల రిఫండ్ దరఖాస్తులు కుప్పలు తెప్పలుగా రావడంతో మార్కెట్ నియంత్రణ సంస్ద సెబీకి కొత్త ఇబ్బందులను ఎదుర్కొంటుంది. సహారా కంపెనీల్లో పెట్టుబడిపెట్టిన ఇన్వెస్టర్లకు రూ.24,000 కోట్లకు పైగా మొత్తాన్ని తిరిగి చెల్లించాల్సిందేనని ఆ సంస్థను సుప్రీంకోర్టు ఆదేశించడం తెలిసిందే. ఈ రిఫండ్‌లకు సంబంధించి దరఖాస్తుదారులు కావల్సిన డాక్యుమెంట్లు, అవసరం లేని కాగితాలు ఎక్కువ మొత్తంలో సెబీకి వచ్చాయి. రిఫండ్ కోరుతున్న ఇన్వెస్టర్ల చిరునామా రుజువు, బ్యాంక్ ఖాతా వివరాలతో పాటు క్లెయిమ్ దరఖాస్తుల్లో చాలావరకూ పాన్ నంబర్లు కూడా ఉండటం లేదని సమాచారం.

న్యాయమైన పెట్టుబడిదారులకు నేరుగా వారి బ్యాంక్ ఖాతాలలో నగదు జమచేయాలని మార్కెట్ రెగ్యులేటరీ సంస్ద సెబీ భావించింది. కానీ అందుకు వీలుగా బ్యాంక్ ఖాతాల వివరాలను కొంత మంది దరఖాస్తుదారులు పొందుపరచక పోవడంతో సెబీకి ఈ వ్యవహారం పెద్ద తలకాయ నొప్పిగా మారింది. సహారా కంపెనీల్లో మదుపుచేసిన ఇన్వెస్టర్లకు రిఫండ్ ప్రక్రియను సెబీ గత నెలలో ప్రారంభించిన విషయం తెలిసిందే.

కాగా, సుప్రీం ఆదేశాల నేపథ్యంలో సెబీ వద్ద సహారా గ్రూప్ సంస్ద రూ. 5,120 కోట్లను మాత్రమే డిపాజిట్ చేసింది. రూ.20 వేల కోట్లకుకు పైగా మొత్తాన్ని ఇప్పటికే తాము ఇన్వెస్టర్లకు చెల్లించేశామని సహారా గ్రూప్ చెబుతోంది. ఇక పన్ను మినహాయింపునకు అవసరమైన ఇతర డాక్యుమెంట్లు వివరాలను మరి కొంత మంది దరఖాస్తుతో పాటు ఇవ్వలేదు. మరికొంత మంది నకిలీ దరఖాస్తుదారులు కూడా తమ వివరాలను పంపారు. ఇది ఇలా ఉంటే బహుళ పెట్టుబడిదారుల విషయంలో సుప్రీంకోర్టు ఆదేశం వచ్చేవరకు రిఫండ్‌లు పెండింగ్‌లో ఉంచాలని సెబీ నిర్ణయించింది.

వన్ఇండియా మనీ తెలుగు