హైదరాబాద్: బ్రిడ్జిస్టోన్ యూరప్ సంస్దకు సంబంధించి ఐటీ సర్వీసులను అందించే కాంట్రాక్టును దక్కించుకున్నట్లు మహీంద్రా సత్యం ఓ ప్రకటనలో తెలిపింది. SAP ఆధారిత అప్లికేషన్స్‌పై సేవలను అందించనున్నట్లు పేర్కొంది. ఈ కాంట్రాక్టు ప్రకారం మహీంద్రా సత్యం బ్రిడ్జిస్టోన్ సేల్స్, ప్లానింగ్, ఫైనాన్స్ ఫంక్షన్స్ మొదలగున వాటికి సపోర్ట్ అందించనుంది. కంపెనీ డెలివరీ హెడ్, సీనియర్ వైస్ ప్రెసిడెంట్ శరత్ కుమార్ మాట్లాడుతూ యూరప్‌లో తమ స్థానం పటిష్టంగా కొనసాగుతోందనడానికి ఈ కాంట్రాక్టు ఉదాహరణ అని అన్నారు. ఐతే ఈ ప్రాజెక్టు విలువ ఎంతో వెల్లడించలేదు.

ఐటీ అప్లికేషన్ అభివృద్ది, సహాయ సేవలకు సంబంధించి 2005 నుండి బ్రిడ్జిస్టోన్‌తో మహీంద్రా సత్యం కంపెనీ కలిసి పనిచేస్తుంది. గత ఏడాది ఆర్దిక సంవత్సరంలో మహీంద్రా సత్యం ఆదాయంలో 23 శాతం వాటా ఐరోపా దేశాల నుండి వచ్చిన విషయం తెలిసిందే. బ్యాంకింగ్, ఏరో స్పెస్, రక్షణ విభాగాలకు సంబంధించి ఐరోపాలో మహీంద్రా సత్యం గట్టి పట్టుని సాధించింది. బ్రిడ్జిస్టోన్ యూరప్ ఐటీ డైరెక్టర్ ఓ నెయిల్ మాట్లాడుతూ మహీంద్రా సత్యంతో ఈ కాంట్రాకు పొడిగింపు చాలా సంతోషంగా ఉందన్నారు. గత 8 సంవత్సరాలుగా మహీంద్రా సత్యం మా సంస్దకు అందిస్తున్న వృత్తి మరియు నిబద్ధత మున్ముందు కూడా ఉండాలని కోరుకుంటున్నామన్నారు.

2005 నుండి బ్రిడ్జిస్టోన్ యూరప్‌కు ఐటీ అప్లికేషన్స్ డెవలప్‌మెంట్ మరియు సపోర్ట్ సర్వీసెస్‌ను మహీంద్రా సత్యం అందిస్తున్న విషయం తెలిసిందే. ఇక మహీంద్రా సత్యం విషయానికి వస్తే ప్రపంచ బిజినెస్ కన్సల్టింగ్ మరియు సమాచార సాంకేతిక సేవల సంస్థ.

వన్ఇండియా మనీ తెలుగు