ముంబై: మార్కెట్ రెగ్యులేటరీ నియంత్రణ సంస్ద సెబీ కనీస పబ్లిక్ హోల్డింగ్ నిబంధనను అమలు చేసే వరకూ స్టాక్ మార్కెట్లో లావాదేవీలను జరపడానికి అవకాశం లేకుండా చేసింది. ఇలా కనీస పబ్లిక్ హోల్డింగ్ నిబంధనను పాటించని 105 ప్రైవేట్ కంపెనీలపై సెబీ తన తడాఖా చూపించింది. ఈ కంపెనీల్లో అదానీ పోర్ట్స్, స్పెషల్ ఎకనమిక్ జోన్ లి., టాటా టెలిసర్వీసెస్ మహారాష్ట్ర లిమిటెడ్ మొదలైనవి ఉన్నాయి. దీనితో పాటు సెబీ ఇండియాలో ఉన్న ప్రైవేట్ లిస్టెడ్ సంస్థల బోర్డుల్లో కొత్తగా హోదా చేపట్టేందుకు, మార్కెట్లో లావాదేవీలు జరపడానికి అవకాశం లేకుండా చేసింది. దీనికి సంబంధించిన 13 పేజీల ఆర్డరను మార్కెట్ రెగ్యులేటరీ నియంత్రణ సంస్ద సెబీ మంగళవారం విడుదల చేసింది.

ఎవరైతే ప్రమోటర్స్ డెడ్ లైన్ మిస్ అయ్యారో వారిని బోర్డ్ సీట్‌లో పాల్గోనే అవకాశాన్ని కూడా కల్పించబోమని అది.. ఇండియాలో లిస్టెడ్ కంపెనీలపై ప్రభావం చూపుతుందని పేర్కొంది. ఇవే కాకుండా ఆర్థికపరమైన జరిమానాలు, క్రిమినల్ ప్రొసీడింగ్స్, స్టాక్స్‌లో లావాదేవీలపై పరిమితులు విధించడం తదితర చర్యలు కూడా ఉంటాయని సెబీ హెచ్చరించింది. కంపెనీల్లో పాతిక శాతం మేర పబ్లిక్ హోల్డింగ్ ఉండాలని సెబీ తప్పనిసరి చేసిన సంగతి తెలిసిందే. 75 శాతానికి మించి హోల్డింగ్ ఉన్న ప్రమోటర్లు జూన్3లోగా తమ వాటాలను ఆ మేరకు తగ్గించుకోవాల్సింది.

వన్ఇండియా మనీ తెలుగు