దేశీయ అతి పెద్ద ఐటీ సాప్ట్‌వేర్ దిగ్గజం టాటా కన్సల్టెన్సీ సర్వీసెస్ ఫిన్‌ల్యాండ్ ఆఫీసులో ఉన్న సుమారు 290 మంది ఉద్యోగులకు ఉద్వాసన పలికే యోచనలో ఉన్నట్లు సమాచారం. ఐతే వర్కర్స్ మాత్రం ఫిన్ ల్యాండ్ ఆఫీసులో ఉద్యోగాన్ని తొలగించి ఇండియా మార్చేందుకు టీసీఎస్ సిద్దమైందని పేర్కొన్నారు. హెల్సింకిలో రిజిస్టర్ ఆఫీసుని కలిగి ఉన్న టాటా కన్సల్టెన్సీ సర్వీసెస్.. ఫిన్ ల్యాండ్‌లో 800 మంది ఉద్యోగులను కలిగి ఉండే ఆఫీసుని కలిగి ఉంది. కంపెనీ భారం తగ్గించుకునే భాగంలోనే ఈ నిర్ణయం తీసుకుందని ఫిన్ ల్యాండ్‌కు చెందిన ప్రొఫెషనల్ ఇంజనీర్స్ తెలిపారు. ఐతే టీసీఎస్ ఉద్వాసన పలకనున్న ఉద్యోగుల సంఖ్య మాత్రం ఖచ్చితంగా లేదని పేర్కొంది.

ఈ సందర్బంలో ఫిన్ ల్యాండ్‌ ప్రొఫెషనల్ ఇంజనీర్స్ డైరెక్టర్ మాట్లాడుతూ నాకు తెలిసి ఉద్యోగుల సంఖ్య 412గా ఉందని అన్నారు. ఐతే ఈ విషయంపై టాటా కన్సల్టెన్సీ సర్వీసెస్ అధికార ప్రతినిధితో మాట్లాడితే ప్రస్తుతం ప్రభావితమయ్యే ఉద్యోగుల సంఖ్య 290గా ఉందని అన్నారు. ఐతే ఇందులో కూడా కొంత మంది ఉద్యోగులను ఫిన్ ల్యాండ్ ఆఫీసులో ఉంచే అవకాశాలు లేకపోలేదని అంటున్నారు. ఫిన్ ల్యాండ్ ఆఫీసులో పని చేస్తున్న టీసీఎస్ ఉద్యోగులు సుమారు 160 మంది వరకూ ఈ ఏడాది ఏప్రిల్‌లో ఉద్వాసన పలికిన విషయంపై ఆఫీసు ముందు వాక్ అవుట్ చేసిన విషయం తెలిసిందే. ఈ ఉద్యోలందర్నీ మార్చిలో నోకియా టీసీఎస్‌కు అవుట్ సోర్సింగ్ చేసింది. ఈ ఉద్యోగులంతా ఎస్పూ, సాలో, తమ్పెరే మరియు ఔలు ప్రాంతాలకు చెందిన వారు.

ఫిన్ ల్యాండ్‌లో నోకియా చుట్టుప్రక్కల ఉన్న టాటా కన్సల్టెన్సీ సర్వీసెస్ ఆఫీసుల వద్ద ఏప్రిల్ 25న ఉద్వాసన పలికిన ఉద్యోగులు వాక్ అవుట్ నిర్వహించారు. ఏడు వారాల్లోనే టాటా కన్సల్టెన్సీ సర్వీసెస్ తన ద్వంద వైఖరిని ప్రదర్శించిదని ఉద్యోగులు ఉగ్రరూపం దాల్చారు. ఇక నోకియా తన ఉద్యోగులను జనవరిలో 820 మందిని అవుట్ సోర్సింగ్ నిమిత్తం 560 మందిని టాటా కన్సల్టెన్సీ సర్వీసెస్‌కి పంపగా.. మిగిలిన 230 మంది ఉద్యోగులను కొక్కో కేంద్రంగా పని చేస్తున్న హెచ్ సీఎల్‌కి అవుట్ సోర్సింగ్ చేసింది. ఇది మాత్రమే కాకుండా నోకియాకు చెందిన ఐటీ సెంటర్‌లో పని చేస్తున్న 300 మంది ఉద్యోగులకు ఉద్వాసన పలికింది.

వన్ఇండియా మనీ తెలుగు