న్యూఢిల్లీ: తన క్రింది ఉద్యోగినిపై లైంగిక వేధింపులకు పాల్పడి ఐగేట్ కార్పోరేషన్ సీఈఓ పదవిని కోల్పోయిన ఫనీష్ మూర్తి ఆర్దికంగా నష్టపోతున్నాడు. కంపెనీ పాలసీలను అతిక్రమించడం వల్ల కంపెనీ నుండి దక్కాల్సిన 15.09 మిలియన్ డాలర్ల (సుమారు రూ. 84 కోట్ల) ప్రయోజనాలను కోల్పోనున్నారు. కంపెనీ నుండి మంచి గుడ్ విల్‌తో గనుక వైదోలిగినట్లైతే తనకు దక్కాల్సిన ప్రయోజనాలు సక్రమంగా అందేవి. కానీ ఇలా తోటి ఉద్యోగినిపై లైంగిక వేధింపులకు పాల్పడి కంపెనీ నిబంధలను అతిక్రమించడం వల్ల ఈ ప్రయోజనాలు దక్కవని అంటున్నారు. కానీ వృత్తిపరంగా అనుచితంగా వ్యవహరించినందుకువాటిని కోల్పోవాల్సి వస్తోంది.

6 things to remember while filing your tax returns

ఐతే ఫనీష్ మూర్తి, ఆయన భార్యకి 65 ఏళ్లు వచ్చేవరకు నెలకు 6,000 డాలర్లు చొప్పున కంపెనీ చెల్లిస్తుంది. అలాగే, విధుల నుండి తప్పించినందుకు గాను 12 నెలల వేతనం అంటే 10,00,000 డాలర్లు పరిహారం కింద ఐగేట్ కార్పోరేషన్ చెల్లించనుంది. ఐగేట్ కంపెనీలో ఛీప్ ఎగ్జిక్యూటివ్‌గా పని చేస్తున్న ఫనీష్ మూర్తి తన క్రింది ఉద్యోగిని లైంగిక వేధింపులకు గురి చేస్తుండటంతో అతనిని కంపెనీ బోర్డు డైరెక్టర్లు విధుల నుండి తప్పించారు. ప్రస్తుతం ఈ లైంగిక వేధింపుల విషయంపై విచారణ కొనసాగుతున్నప్పటికీ.. ఫనీష్ మూర్తి కంపెనీ పాలసీలను అతిక్రమించడం వల్లనే అతనిని విధుల నుండి తప్పించడం జరిగిందని కంపెనీ తన ప్రకటనలో పేర్కొంది.

బోర్డ్ ఒక తాత్కాలిక ప్రాతిపదికన ప్రెసిడెంట్, ఛీఫ్ ఎగ్జిక్యూటివ్ ఆఫీసర్‌గా గెర్హార్డ్ వాటింజర్‌ను నియమించింది. 52 సంవత్సరాల వయసు కలిగిన గెర్హార్డ్ వాటింజర్‌ 1998 నుండి 2013 వరకూ ఐగేట్ కంపెనీలో పలు రకాలైన పదవులను నిర్వర్తించారు. ముఖ్యంగా ఐగేట్ సోల్యూషన్స్ బిజినెస్‌కు సీఈవోగా బాధ్యతలను సమర్ధవంతంగా నిర్వర్తించారు.

వన్ఇండియా మనీ తెలుగు