ముంబై: భారత ఆర్దిక వ్యవస్దకు పెంపొందిచే దిశగా వడ్డీ రేట్లను తగ్గించాలంటూ వివిధ పరిశ్రమ వర్గాల నుండి డిమాండ్లు పెరిగడంతో.. ఈరోజు ప్రకటించిన 2013-14వ వార్షిక ద్రవ్య పరపతి విధానంలో వడ్డీ రేట్లను తగ్గించి.. రెపో రేటును మాత్రం 0.25 శాతానికి తగ్గించింది. ఐతే నగదు నిల్వల నిష్పత్తిని మాత్రం యథాతథంగా ఉంచింది. ఇది ఇలా ఉంటే వృద్ది రేటు 5.7 శాతం ఉంటుందని రిజర్వ్ బ్యాంక్ ఆఫ్ ఇండియా (ఆర్‌బీఐ) అంచనా వేస్తుంది. వడ్డీ రేట్లు తగ్గించడానికి కారణం రిటైల్ ద్రవ్యోల్బణం అధికంగా ఉండడం, కరెంట్ అకౌంట్ లోటు పెరుగుతుండటమేనని పేర్కొంది.
(Govt banks that offer highest interest rates on fixed deposits)

దీనితో పాటు డిమాండ్‌కు సంబంధించి ద్రవ్యోల్బణ ఒత్తిళ్లు తగ్గినప్పటికీ.. వినియోగదారుల ద్రవ్యోల్బణం ఉండాల్సిన స్దాయి కంటే ఎక్కవగా ఉందని తెలిపింది. ఇక గత కొన్ని రోజులుగా బంగారం, ముడి చమురు ధఱలు తగ్గడం కాస్త ఊరటనిచ్చినప్పటికీ.. ఇలాంటి వాటిపై సంతోష పడడం సరికాదని ఆర్‌బీఐ పేర్కొంది. ఇక ప్రథమార్ధంలో ద్రవ్యోల్బణం తగ్గుదల ఉన్నప్పటికీ, ఇంధన ధరలు పెరగడం.. బేస్ ఎఫెక్ట్ కారణంగా ద్వితీయార్థంలో ద్రవ్యోల్బణం పెరుగుతుందని అంచనా వేసింది. వృద్ది రేటు తగ్గడానికి పాలసీ రేట్లు కూడా ఒక కారణంగా పేర్కొంది.

ఐతే, వృద్ధి సాధించాలంటే వడ్డీ రేట్ల కోత ఒక్కటే మార్గం కాదని స్పష్టం చేసింది. వృద్ధి రేటు మెరుగుపడాలంటే.. ప్రభుత్వం నుంచి అనేక సంస్కరణలు రావాలని, సరఫరా తరఫు అవరోధాలను తొలగించడం ఎంతో అవసరమని రిజర్వ్ బ్యాంక్ పేర్కొంది. 2012-13లో రిజర్వ్ బ్యాంక్ ఆఫ్ ఇండియా కీలక పాలసీ రేట్లను 1శాతం మేర తగ్గించింది. కమోడిటీల ధరలు దాదాపు 20 శాతం పడిపోవడం, మార్చ్‌లో ద్రవ్యోల్బణం మూడేళ్ల కనిష్టమైన 5.96 శాతానికి తగ్గడం తదితర అంశాలతో రేట్ల కోతపై ఆశలు పెరిగాయి. ద్రవ్యోల్బణానికి హెడ్జింగ్‌గా ఆర్థిక సాధనాలు కాకుండా ఇతర సాధనాల వైపు మళ్లుతుండటం వల్ల ఇంటింటా చేసే పొదుపు 2011-12లో 22.3 శాతానికి పడిపోయిందని పేర్కొంది.

వన్ఇండియా మనీ తెలుగు