హైదరాబాద్: బ్యాంకింగ్, ఫైనాన్షియల్ సర్వీసెస్, చెల్లింపులు, కార్డుల విభాగంలోని అవకాశాలపై మహీంద్రా సత్యం ప్రత్యేకంగా దృష్టి సారించింది. ఇందులో భాగంగానే మహీంద్రా సత్యం బీఎఫ్‌ఎస్‌ఐ విభాగానికి అంతర్జాతీయ అధిపతిగా నీరజ్ వేద్వాను నియమించినట్లు మహీంద్రా సత్యం ప్రకటించింది. నీరజ్ వేద్వా ఐటీ రంగంలో 26 ఏళ్ల సుదీర్ఘ అనుభవం ఉన్నప్పటికీ.. అందులో 16 సంవత్సరాల పాటు బ్యాంకింగ్ - ఆర్దిక సేవలు - బీమా (బీఎఫ్‌ఎస్‌ఐ) రంగాల్లో పని చేశారు.
ప్రస్తుతం నీరజ్ వేద్వా మహీంద్రా సత్యంలో అందిస్తున్న సేవలకు సహకరించడంతో పాటు... నీరజ్ రాకతో ఈ రంగంలో మరింత వేగంగా నిస్తరించగలమన్న ధీమాను మహీంద్రా సత్యం బీఎఫ్‌ఎస్‌ఐ హెడ్ రవి వసంతరాజ్ వ్యక్తం చేశారు.

ఇది ఇలా ఉంటే అటానమిక్ ఐటీ సర్వీసులందించే ఐపీ సాఫ్ట్ కంపెనీ.. దేశీయ రెండవ అతి పెద్ద టెక్నాలజీ దిగ్గజం ఇన్పోసిస్‌తో చేతులు కలిపింది. ఈ సందర్బంలో ఐపీ సాప్ట్ మాట్లాడుతూ తాము అభివృద్ది చేసిన అటానమిక్స్ ఫ్లాట్‌ఫామ్ ఐపీసెంటర్‌తో ఇన్ఫోసిస్ టెక్నాలజీ సర్వీసులను జత కలిపి క్లయింట్లకు అందిస్తామని తెలిపింది. ఇలా చేయడం వల్ల ఐటీ వ్యయాలు తగ్గడంతోపాటు, తమ క్లయింట్లకు లాభం చేకూరుతుందని వివరించింది. ఇందులో భాగంగానే మైసూర్‌లో ఇన్పోసిస్ గ్లోబర్ ఎడ్యుకేషన్ సెంటర్‌లో అటానమిక్స్ ల్యాజ్‌ను ఏర్పాటు చేస్తున్నామన్నారు.

వన్ఇండియా తెలుగు మనీ