సింగపూర్: 2013వ సంవత్సరానికి గాను భారత్ స్దూల దేశీయోత్పత్పి (జీడీపీ) వృద్ది రేటు 5.7 శాతంగా ఉండటంతో రాబోయే కాలంలో ప్రస్తుతం ఉన్న స్దాయితో పోల్చితే దిగువకు పడిపోయే అవకాశం లేదని రీజినల్ ఎకనమిక్ అవుట్‌లుక్ ఫర్ ఆసియా సదస్సులో అంతర్జాతీయ ద్రవ్యనిధి (ఐఎంఎఫ్) సంస్ద తెలిపింది. రాబోయే కాలంలో ప్రస్తుతం ఉన్న 5.7 శాతం కంటే మెరుగుపడవచ్చునని పేర్కొంది. ఇక 2014వ సంవత్సరంలో ఈ వృద్ది రేటు 6.2 శాతంగా ఉండే అవకాశాలున్నట్లు తమ అంచనాల్లో వెల్లడైందని తెలిపింది. ఈ ఏడాది ఆసియా మొత్తంగా చూస్తే వృద్ది రేటు 5.7 శాతంగా ఉండగా 2014లో ఈ వృద్ది రేటు 6 శాతానికి పెరగవచ్చునని తన తాజా నివేదికలో పేర్కొంది.

అంతర్జాతీయ ద్రవ్యనిధి (ఐఎంఎఫ్) అంచనా ప్రకారం 2010లో భారత్ నిజ ఆర్థికాభివృద్ధి 11.2 శాతం. 2011లో 7.7 శాతం, 2012లో కేవలం 4 శాతం. ఆసియా ఆర్థికాభివృద్ధి అంచనాల్లో భారత్, చైనా, ఇతర అభివృద్ధి చెందుతున్న దేశాలు కీలకంగా ఉన్నాయని పేర్కొంది. ఇది ఇలా ఉండే ద్రవ్యోల్బణం విషయానికి వస్తే ఆసియాలోని పలు దేశాల్లో 2012లో ద్రవ్యోల్బణం తీవ్రత తగ్గుముఖం పట్టిందని అంతర్జాతీయ ద్రవ్యనిధి (ఐఎంఎఫ్ పేర్కోంది.

మరి కొన్ని దేశాల విషయానికి వస్తే ఇది 2 శాతం వరకూ సైతం వరకూ పడిపోయిందని వివరించింది. అయితే భారత్, ఇండోనేషియా, థాయ్‌లాండ్‌లు ఇందుకు భిన్నంగా ఉన్నాయని పేర్కొంది. ఇదే సమయంలో ద్రవ్యోల్బణం తీవ్రత కట్టడికి కొన్ని దేశాలు తీసుకున్న పరపతి విధాన చర్యలు ఆయా దేశాల్లో దీర్ఘకాల వృద్ధి అవకాశాలను మెరుగుపరచేవిగా ఉన్నట్లు కనిపించాయని పేర్కొంది. భారత్‌లో ఉన్న ద్రవ్యోల్బణం తీవ్రత వల్ల వాటిని అదుపు చేయడంలో ఉన్న విధానాలు స్పష్టంగా లేకపోవడంతో ప్రైవేట్ పెట్టుబడులు తగ్గుముఖం పట్టాయని తన నివేదికలో పేర్కొంది.

వన్ఇండియా మనీ తెలుగు