న్యూఢిల్లీ: దేశంలోని సుమారు ముప్పై బ్యాంకులకు సంబంధించి బంగారు నాణాలు, బంగారం ఉత్పత్తి క్రయావిక్రయాలపై రిజర్వ బ్యాంక్ ఆఫ్ ఇండియా (ఆర్‌బీఐ) దృష్టి పెడుతోంది. బ్యాంకు సిబ్బంది, సిబ్బందితో సన్నిహితంగా ఉంటున్న కొందరు వ్యక్తలకే బంగారు నాణాలు, బంగారంపై పెట్టే ఇతర పెట్టుబడులు పెడుతున్నారని కొంత మంది వినియోగదారులు చేసిన ఫిర్యాదుపై స్పందించిన ఆర్‌బీఐ ఈ నిర్ణయం తీసుకుంది. ఇది మాత్రమే కాకుండా బ్యాంక్ ఉద్యోగులు ఇలాంటి విక్రయాల విషయంలో వినియోగదారులను తప్పుదోవ పట్టిస్తున్నారా లేదా నిజాయితీగా ఉంటున్నారాఅన్న విషయంపై ఆర్‌బీఐ ఆరా తీస్తుంది.

ఆర్‌బీఐ 30 బ్యాంకుల వ్యాపార విధానాలను పరిశీలిస్తోందని, బ్యాంకింగ్ సేవలు పొందాలంటే బంగారం సంబంధిత స్కీమ్‌లలో పాల్గొనాలంటూ ఉద్యోగులు ఒత్తిడి తెస్తున్నారంటూ ఆర్‌బీఐకి ఫిర్యాదులు అందడంతో నిఘా పెట్టింది. అటువంటి అమ్మకాలలో అక్రమాలు జరిగాయా, బ్యాంకులు పనిచేసే సమయంలోనే జరిపారా లేక ఇతర సమయాలలో జరిపారా? అన్న అంశాలను ఆర్‌బిఐ నిశితంగా పరిశీలిస్తున్నట్లుసంబంధిత వర్గాలు తెలిపాయి.

ముఖ్యంగా 30 బ్యాంకులపై ఈ అధ్యయనం కొనసాగుతున్నట్లు బ్యాంక్ వర్గాలు తెలిపాయి. బంగారు నాణాలు, బంగారంతో తయారు చేసిన ఉత్పత్తుల అమ్మకాలు జరిపినప్పుడు తప్పనిసరిగా కొనుగోలు చేసే వ్యక్తి ‘పాన్' నెంబర్‌ను ఆ డాక్యుమెంట్లపై వేయాలని ఆర్‌బిఐ ఆదేశించింది.

వన్ఇండియా మనీ తెలుగు