న్యూఢిల్లీ: అంతర్జాతీయంగా బంగారం ధరలు పతనమవ్వడానికి కారణం ప్యూచర్స్ మార్కెట్లలో ట్రేడింగ్ నిర్వహించే స్పెక్యులేటర్లేనని వరల్డ్ గోల్డ్ కౌన్సిల్ (డబ్ల్యూజీసీ) వ్యాఖ్యానించింది. బంగారం ధరలు ఒక్కసారిగా తగ్గడంతో ఇండియా, చైనాలతో పాటు అమెరికా, జపాన్, యూరప్ దేశాల్లో బంగారానికి మంచి డిమాండ్ పెరిగిందని పేర్కొంది. ఐతే డిమాండ్ బాగా ఉన్నప్పటికీ.. బంగారం సరఫరా ఆశించిన స్దాయిలో లేదని, దుబాయ్‌లో బంగారు కడ్డీలతో పాటు నాణేల కొరత ఏర్పడిందని తెలిపింది. ఫ్యూచర్స్ మార్కెట్లో లావాదేవీలు చేపట్టే స్పెక్యులేటివ్ ట్రేడర్ల కారణంగానే గత వారం బంగారం ధరలు ఒక్కసారిగా పతనమవ్వడం జరిగిందని డబ్ల్యూజీసీ సీఈవో ఆరమ్ శిష్‌మణియన్ అభిప్రాయపడ్డారు.

(SBI Gold deposit scheme: 6 reasons to invest)

అంతర్జాతీయంగానే కాకుండా దేశీయంగా కూడా బంగారం ధరలు తగ్గడంతో పలు దేశాల ఇవ్వెస్టర్లు కొనుగోళ్లకు ఇది సరైన సమయంగా భావిస్తున్నారని తెలిపారు. గతంలో ఎన్నడూ లేని విధంగా ఈనెల 16న సింగపూర్‌లో కనిష్టంగా 1,322 డాలర్లను తాకిన ఔన్స్ బంగారం ధర ప్రస్తుతం 1,415 డాలర్లకు చేరిందని వివరించారు. మా అంచనాల ప్రకారం బంగారానికి మంచి డిమాండ్ కనిపిస్తుందని, అందుకే బంగారం సరఫరా విషయంలో కొన్ని సమస్యలున్నాయని చెప్పారు. ఐతే రాబోయే కాలంలో మళ్లీ బంగారం ధరలు పుంజుకునే అవకాశం ఉందని కూడా చెప్పారు.

వన్ఇండియా మనీ తెలుగు