ముంబై: అంతర్జాతీయ మార్కెట్లో బంగారం, వెండి ధరలు ఒక్కసారిగా పతనమయ్యాయి. వివరాల్లోకి వెళితే అంతర్జాతీయ న్యూయార్క్ కమోడిటీ ఫ్యూచర్స్ మార్కెట్‌లో ఔన్స్ (31.1 గ్రా)ల బంగారం ధర 60 డాలర్లకు అంటే 3.5 శాతం పడిపోయింది. ఇది గత 11 నెలల కనిష్టానికి సమానం. బంగారం ఇలా ఒక్కసారిగా తగ్గడానికి గల కారణాలను విశ్లేషిస్తే అమెరికా ఆర్దిక వ్యవస్ద పుంజుకునే సంకేతాలు రావడంతో పాటు యారప్ సంక్షోభం ఎదుర్కొంటున్న సైప్రస్ దేశం తన దగ్గరున్న బంగారం నిల్వల్ని అమ్ముతుందనే వార్తలు రావడమేనని బులియన్ ట్రేడర్లు చెప్పుతున్నారు.

ఇక అంతర్జాతీయ మార్కెట్లో వెండి ధర సైతం 4.5 శాతానికి తగ్గింది. ఇక భారత్‌లోని మల్టీ కమోడిటీ ఎక్సేంజ్‌లో 10 గ్రాముల బంగారం ధర రూ. 1000 వరకూ తగ్గి నష్టాలతో రూ. 28,500లోపు తగ్గగా.. అదే వెండి కేజి ధర రూ. 2000కు పైగా తగ్గి రూ. 50,000 దిగువన పడిపోయింది. అంతర్జాతీయ మార్కెట్లో బంగారం, వెండి ట్రేడింగ్ ఫ్యూచర్స్ మార్కెట్లో ఇలానే జరిగితే... శనివారం ప్రధాన మార్కెట్లో ధరలు భారీగా తగ్గే అవకాశం ఉన్నట్లు బులియన్ ట్రేడర్లు పేర్కొన్నారు.

వన్ఇండియా తెలుగు మనీ