బెంగుళూరు: దేశీయ ఐటీ దిగ్గజం ఇన్పోసిస్ నాల్గవ త్రైమాసిక ఫలితాలను ప్రకటించింది. మార్చి 31తో ముగిసిన ఈ త్రైమాసికంలో 3.3 శాతం వృద్దితో రూ. 2,394 కోట్ల నికర లాభాన్ని నమోదు చేసింది. నాల్గవ త్రైమాసికంలో ఇన్సోసిస్ 18 శాతం వృద్దితో రూ. 10, 454 కోట్ల ఆదాయాన్ని ఆర్జించింది. దీంతో స్టాక్ మార్కెట్లు నష్టాల్లో పయనిస్తున్నాయి. ఇన్సోసిస్ కంపెనీ షేరు ధర ఒకే రోజు 16 శాతానికి పైగా నష్టపోతోంది. 500 రూపాయల దాకా పడుతూ 2,420కి సమీపంలో ట్రేడవుతోంది. దేశయ రెండవ అతిపెద్ద ఐటీ కంపెనీ అయిన ఇన్ఫోసిస్‌ ఇంత తీవ్ర స్థాయిలో నష్టపోవడం ఇదే తొలిసారి.

గత డిసెంబర్ త్ర్రైమాసికపు క్వార్టర్‌లో అందిరిని ఆశ్యర్యంలో ముంచెత్తుతూ లాభాలు ప్రకటించిన ఇన్పోసిస్.. మార్చి 31తో ముగిసిన ఈ త్రైమాసికంలో ఆశించిన స్దాయి లాభాలను నమోదు చేయలేకపోయింది. ప్రతి ఏడాది ఒక్క డిసెంబరు త్రైమాసికంలో లాభాలు గడించినప్పటికీ.. మిగతా త్రైమాసికాల్లో రెండేళ్లకు పైగా ఇన్వెస్టర్లను నిరాశపరుస్తూనే ఉంది. మరో వైపు టాటా కన్సల్టెన్సీ సర్వీసెస్ (టీసీఎస్), కాగ్నిజెంట్‌ కంపెనీలు పనితీరులో దూసుకుపోతుంటే.. ఇన్సోసిస్ మాత్రం తిరోగమనంలో పయనిస్తోంది.

బెంగుళూరు కేంద్రంగా పని చేస్తున్న ఇన్సోసిస్ షేరు బారీగా నష్టపోవడంతో స్టాక్ మార్కెట్లకు బాగా ఉపయోగపడుతుంది. సెన్సెక్స్ 259 పాయింట్లు కోల్పోతూ 18, 282 సమీపంలో ట్రేడ్ అవుతుంది. ఇక నిప్టీ 60 పాయింట్లకు పైగా కోల్పోతూ 5,533 సమీపంలో ట్రేడ్ అవుతుంది. అంతేకాకుండా ఇన్పోసిస్ దెబ్బకు మిగతా కంపెనీల షేర్లు కూడా బాగా నష్టపోతున్నాయి. విప్రో టెక్నాలజీస్ 4.5 శాతం, టీసీఎస్ 3 శాతం, హెచ్‌సీఎల్ మరియు టెక్ మహీంద్రా 2 శాతం దాకా నష్టపోతున్నాయి.

వన్ఇండియా మనీ తెలుగు