న్యూఢిల్లీ: చక్కెర రంగంపై కొనసాగతున్న నియంత్రణను కేంద్రం పాక్షికంగా తొలగిస్తున్నట్లు ఆర్థిక వ్యవహారాల మంత్రిత్వ కమిటీ (సిసిఇఎ) నిర్ణయం తీసుకోవడంతో అటు హోల్ సేల్ మార్కెట్‌తో పాటు ఇటు ప్యూచర్ మార్కెట్లలో క్వింటాలుకు 50 శాతం పెరిగాయి. దీంతో శుక్రవారం స్టాక్ మార్కెట్‌లో చక్కెర పరిశ్రమల షేర్లు 9 శాతం వంతున పెరిగాయి. ఐతే, గురువారం నాడు సమావేశమైన ఆర్థిక వ్యవహారాల క్యాబినెట్‌ కమిటీ మిల్లర్లకు షుగర్‌ మార్కెటింగ్‌పై మరింత వెసలుబాటును కల్పిస్తూ కీలక నిర్ణయాలు తీసుకుంది.

దీనితో పాటు చక్కెర మిల్లులు రేషన్ షాపులకు సబ్సిడీపై చక్కెర సరఫరా చేయాలన్న నిబంధనలను కూడా కేంద్ర ప్రభుత్వం సడలించింది. ఓపెన్‌ మార్కెట్లో తమ ఇష్టానుసారం అమ్ముకోవచ్చని వెల్లడించిని సీసీఈఏ సబ్సిడీ ధరలకు రేషన్‌ షాపులకు ఇచ్చే విషయంలో మిల్లర్ల అభ్యంతరాలనూ తదుపరి పరిశీలిస్తామని వెల్లడించింది. మిల్లుల బహిరంగ మార్కెట్లో చక్కెరను విక్రయిస్తాయి కాబట్టి.. భవిష్యత్‌లో పంచదార ధరలు తగ్గే అవకాశాలు న్నాయని రేటింగ్‌ ఏజన్సీ ఐసీఆర్‌ఏ వెల్లడించింది. చక్కెర నియంత్రణ ఎత్తివేయడంతో భవిష్యత్‌లో చక్కెర మిల్లులకు లాభాలు అధికం కావచ్చని తెలిపింది.

ఇది ఇలా ఉంటే శుక్రవారం న్యూఢిల్లీలో క్వింటాల్ చక్కెర ధర 3300-3400 మధ్య పెరిగింది. ముంబైలో రిటైల్ ధర కిలో 38 రూపాయలు, ఢిల్లీలో 37, కోల్‌కతాలో 36, చెన్నైలో 32 రూపాయలుగా ఉంది.

వన్ఇండియా తెలుగు మనీ