విజయ్ మాల్య గురువారం రాత్రి ఎయిర్‌లైన్ పైలట్స్, ఇంజనీర్ల నలుగురు ప్రతినిధి బృందాన్ని కలిసి డియాగో వ్యవహారం ద్వారా తమ సంస్థకు 11వేల కోట్ల రూపాయలు అందుతాయని కనుక గత జూన్ నుంచి జనవరి వరకు ఇవ్వాల్సిన జీతాలు చెల్లిస్తామని మాల్య తెలిపినట్లు వారు వెల్లడించారు. విజయ్ మాల్యాకు చెందిన యుబీ గ్రూప్ తమ అనుబంధ సంస్థ అయిన యునైటెడ్ స్పిరిట్స్‌లో 53.4 శాతం వాటాను గత నవంబర్‌లో అమెరికాకు చెందిన డియాగో సంస్థకు 11,166.5 కోట్లకు విక్రయించారు.

త్వరలో ఎయిర్‌లైన్స్ కార్యకలాపాలు కూడా పునరుద్ధరిస్తామని, ఈమేరకు తయారు చేసిన ప్రణాళికను డిజిసిఎ చీఫ్ అరుణ్ మిశ్రాను వ్యక్తిగతంగా కలిసి అందచేస్తానని ఆయన చెప్పినట్లు ఉద్యోగులు వెల్లడించారు. ఇది ఇలా ఉంటే కార్యకలాపాలను తిరిగి ప్రారంభించడానికి ఆర్దికంగా లాభదాయకమైన పునరుద్దరణ ప్రణాళికను కింగ్‌ఫిషర్ ఇంత వరకూ సమర్పించలేదని గురవారం విమానయాన శాఖ మంత్రి అజిత్ సింగ్ పేర్కొన్నారు.

వన్ఇండియా తెలుగు మనీ