న్యూఢిల్లీ: గత రెండు నెలలుగా క్షీణించిన విదేశీ ప్రత్యక్ష పెట్టుబడులు (ఎఫ్‌డీఐ)లు జనవరి నెల్లో 8 శాతం పుంజుకున్నాయి. మొత్తం మీద 2.5 మిలియన్ డాలర్లు (సుమారు 215 కోట్లు) విలువ చేసే విదేశీ ప్రత్యక్ష పెట్టుబడులు భారత్‌లోకి వచ్చాయి. 2012 జనవరిలో 2బిలియన్ డాలర్లు ( సుమారు 200 కోట్ల) ఎఫ్‌డీఐలు నమోదయ్యాయి. ఐతే ప్రస్తుత ఆర్థిక సంవత్సరం(2012-13) ఏప్రిల్-జనవరి కాలంలో మాత్రం ఇవి 39% తగ్గి 19.10 బిలియన్ డాలర్లకు పరిమితమయ్యాయి.

ఇక అంతక్రితం ఏడాదిలో ఇదే కాలానికి 31.28 బిలియన్ డాలర్ల ఎఫ్‌డీఐలు తరలివచ్చాయి. అంతర్జాతీయ స్థాయిలో కొనసాగుతున్న అనిశ్చిత పరిస్థితులు ఎఫ్‌డీఐల రాకపై ప్రతికూల ప్రభావాన్ని చూపుతున్నాయని పారిశ్రామిక విధానాలు, ప్రోత్సాహక శాఖకు చెందిన అధికారి ఒకరు చెప్పారు. ఈ ఏడాది తొలి 10 నెలల కాలంలో నమోదైన ఎఫ్‌డీఐలలో సర్వీసుల రంగం 4.66 బిలియన్ డాలర్లను ఆకట్టుకోగా, 3.19 బిలియన్ డాలర్లతో హోటల్ మరియు టూరిజం, లోహ రంగం, నిర్మాణ రంగంలో ఎఫ్‌డిఐలను ఆకర్షించాయి.

వన్ఇండియా తెలుగు మనీ