న్యూఢిల్లీ: దేశంలోనే మొట్టమొదటిసారి మహిళల కోసం ప్రత్యేకంగా బ్యాంకును ఏర్పాటు చేయాలని బడ్జెట్‌లో తాను చేసిన ప్రతిపాదనకు దేశ వ్యాప్తంగా విశేష స్పందన లభిస్తుదంని ఆర్దిక మంత్రి పి చిదంబరం తెలిపారు. నిన్న శివగంగలో సిరవయల్‌లో కెనరా బ్యాంకు 3,647వ శాఖను ఆయన ప్రారంభించారు. ఈ సందర్బంలో ఆయన మాట్లాడుతూ రిజర్వుబ్యాంకు ఆఫ్ ఇండియా నిబంధనల ప్రకారం బ్యాంకు ప్రారంభించడానికి రూ. 500కోట్లు సరిపోతాయని తెలిసినప్పటికీ... మూలధనం క్రింద రూ. 1,000 కోట్లతో మహిళా బ్యాంకును ప్రారంభించాలని అనుకున్నట్లు పేర్కొన్నారు.

దేశంలో తొలిసారిగా ప్రారంభించనున్న మహిళా బ్యాంకును ఆరు బ్రాంచీలతో మొదలు పెడతామన్నారు. గత నెల బడ్జెట్‌లో ఆర్దిక మంత్రి పి. చిదంబరం ప్రత్యేకంగా మహిళా బ్యాంకును ప్రారంభిస్తామని చెప్పారు. ఈ బ్యాంకులో కేవలం మహిళలు మాత్రమే నిర్వంచనున్నారు. ఈ బ్యాంకులో రుణాలు కేవలం మహిళలకే ఇస్తారు. పురుషులు కేవలం డబ్బు డిపాజిట్‌ చేసుకునేందుకు మాత్రమే అనుమతిస్తారని చెప్పారు. తనపై వచ్చిన విమర్శలు తనకు టానిక్‌లా పనిచేస్తాయని దీంతో ప్రభుత్వాన్ని మరింత సమర్థవంతంగా నిర్వహించేందుకు వీలవుతుందన్నారు.

బ్యాంకుల నుంచి రుణాలు తీసుకున్న వారు వెంటనే చెల్లించాలని.. దీని వల్ల బ్యాంకింగ్‌ రంగం మరింత పటిష్టపడి మరింత మందికి రుణాలు ఇచ్చేందుకు అవకాశం ఏర్పడుతుందన్నారు. కెనారా బ్యాంకు ప్రారంభోత్సవానికి చైర్మన్ ఆర్ కె దుబే‌, ఎగ్జిక్యూటివ్‌ డైరెక్టర్‌ అశోక్‌గుప్తా హాజరయ్యారు.

వన్ఇండియా తెలుగు మనీ