భారత్ కరెంట్ అకౌంట్ లోటు (సిఎడి)ని పరిశీలిస్తే ఇది వాస్తవంగా ఆందోళన కలిగించే అంశమని, రానున్న రెండేళ్లలో ఇది 4 శాతం మించకుండా చూడాల్సిన అవసరం ఉందని ఆయన అన్నారు. ఎగుమతులు, దిగుమతుల మధ్య అంతరాయాన్ని సిఎడిగా పరిగణిస్తారు. మూలధన నిధులు మినహా వివిధ అంశాలకు సంబంధించి దేశంలోకి వచ్చీపోయే మొత్తం విదేశీ మారక ద్రవ్య నిధుల మధ్య వ్యత్యాసానికి సంబంధించిన సీఏడీని రానున్న రెండేళ్లలో 4 శాతానికి కట్టడి చేయాలని పేర్కొన్నారు. ఇక వొడాఫోన్ పన్ను వ్యవహారం త్వరలో ఒక పరిష్కారానికి వస్తుందని భావిస్తున్నట్లు తెలిపారు.

ప్రస్తుతం భారత్ వృద్ధిరేటు 5 శాతం, అంతర్జాతీయ మార్కెట్లు మెరుగుపడుతున్న నేపథ్యంలో భారత్ వృద్ధిరేటు మారుతుందన్న విశ్వాసాన్ని ఆర్థిక మంత్రి పి.చిదంబరం ప్రకటించారు. అంతర్జాతీయ మార్కెట్లపై భారతదేశం ఆధారపడి ఉన్నందున పరిస్థితులలో మార్పులు రావచ్చునని ఆయన చెప్పారు. ఈ ఆర్థిక సంవత్సరంలో జిడిపి వృద్ధిరేటు 5 శాతంగా అంచనా వేస్తున్నా, 2013-14 సంవత్సరంలో ఇది 6.1-6.7 శాతంగా ఉండవచ్చునని ముందస్తు అంచనా వేస్తున్నారు.

వన్ఇండియా తెలుగు మనీ