బెంగుళూరు: విప్రో ఛైర్మన్ అజీమ్ ప్రేమ్‌జీ తన సంపదలో ఎక్కువ భాగం దానధర్మాలకే వినియోగిస్తానని చెప్పారు. సామాజిక కార్యకలాపాల కోసం తన సంపదలో మరింత భాగం వెచ్చించడానికి తాను సిద్దంగా ఉన్నట్లు తెలిపారు. 2010వ సంవత్సరంలో విప్రోలో తనకున్న వ్యక్తిగత వాటా నుంచి 8.7 శాతం స్టాక్స్‌ను అజీమ్ ప్రేమ్‌జీ ఫౌండేషన్‌కు దానంగా ఇచ్చిన సంగతి తెలిసిందే. దేశంలో ప్రాథమిక విద్యా వ్యవస్థను మెరుగుపరచడం, నాణ్యతను పెంచడానికి ఏర్పాటు చేసిన ఈ ఫౌండేషన్‌కు ప్రేమ్‌జీ చైర్మన్‌గా వ్యవహరిస్తున్నారు. తన ఏర్పాటు చేసిన ఫౌండేషన్‌లో ప్రస్తుతం 800 మంది వెనుకబడిన వారికి చేయూతనిస్తుందని.. అలాగే అజీమ్‌ ప్రేమ్‌జీ విశ్వవిద్యాలయంలో వచ్చే ఐదేళ్లలో 4000-5000 స్థాయికి పెంచేందుకు ఫౌండేషన్ ప్రణాళికలు రూపొం దిస్తోందని అజీమ్ ప్రేమ్‌జీ చెప్పారు.

గత రెండు సంవత్సరాల నుంచి ఫౌండేషన్‌ చేస్తున్న పనులు తనను సంతృప్తి చెందానన్నారు. సమాజంలో బాగా డబ్బున్న వారు దేశంలో కోట్లాది మంది ప్రజలు కనీస అవసరాలకు కూడా నోచుకోకుండా ఉన్న వారిని ఆదుకోవాలని గట్టిగా నమ్ముతున్నానని ఆయన అన్నారు. తాను ఆదశగానే పయనిస్తానని చెప్పారు. ప్రేమ్‌జీ తనపై గాంధీజీ ప్రభావం చాలా గాఢంగా ఉందని చెప్పారు. స్వాతంత్య్రం కోసం ఆయన పోరాటం తనకు స్పూర్తికలిగించిందన్నారు.

తమ వద్ద ఉన్న సంపదను ప్రస్తుత సమాజం బాగోగుల కోసం వినియోగించాలన్న గాంధీజీ సూక్తులు తాను పాటిస్తున్నానని అన్నారు. అజీమ్ ప్రేమ్‌జీ తన జీవితం గురించి మాట్లాడుతూ తన తండ్రి అకాలమరణంతో..1966 స్టాన్‌ఫోర్డ్‌లో చదువుకు స్వస్తి చెప్పి భారత్‌కు వచ్చానని, ఆ తర్వాత చిన్న వ్యాపారాన్ని ప్రారంభించానని చెప్పారు. తన ఇంజినీరింగ్‌ గ్రాడ్యుయేషన్‌ తాను 2000 సంవత్సరంలో పూర్తి చేశానని ప్రేమ్‌జీ చెప్పారు. ప్రస్తుతం ప్రపంచ వ్యాప్తంగా విప్రో కంపెనీ గ్లోబల్‌ ఐటీ బ్రాండ్‌ అయిందన్నారు. తన వద్ద ఉన్న సంపదను ఏంచేయాలని ఆలోచించి చివరకు తన వద్ద ఉన్న సంపదను సమాజంలో వెనుకబడిన వారికి వినియోగించాలనే ఈ నిర్ణయానికి వచ్చానని చెప్పారు.

తెలుగు వన్ఇండియా