ఎంసీఎక్స్ స్టాక్ ఎక్స్చేంజ్‌లో నేటి నుండి పూర్తిస్దాయి ట్రేడింగ్

ఎమ్‌సీఎక్స్-ఎస్ఎక్స్‌లో 40 షేర్ల సూచీ ఉంటుంది. దీనిని ఎస్ఎక్స్‌40గా పిలుస్తారు. వివిధ రంగాలకు చెందిన భారీ మూలధన విలువ కలిగిన షేర్లతో పాటు అధికంగా చలామణి అయ్యే షేర్లతో ఎస్ఎక్స్ 40 కూడుకోని ఉంటుంది. ఎమ్‌సీఎక్స్-ఎస్ఎక్స్‌ వైస్ ఛైర్మన్ జిగ్నేశ్ షా మాట్లాడుతూ 40 షేర్లతో కూడిన ‘ఎస్‌ఎక్స్-40' ఇండెక్స్... ఫ్రీ-ఫ్లోట్(మార్కెట్లో ఇన్వెస్టర్ల దగ్గరున్న షేర్లు) ఆధారంగా, లార్జ్ క్యాప్, లిక్విడ్ స్టాక్స్, ప్రధాన రంగాలను సూచించేలా ఉంటుందన్నారు. ఇక ఎస్‌ఎక్స్-40 సూచీ విలువ 10,000గా ఉంటుం దని, 2010 మార్చి 31 బేస్ తేదీ ఆధారంగా దీన్ని రూపొందించినట్లు ఆయన పేర్కొన్నారు.

క్యాపిటల్ మార్కెట్ విభాగంలో ప్రారంభ స్థాయిలో 1,116 కంపెనీల ఈక్విటీ షేర్లనే టేడింగ్‌కు అనుమతిస్తున్నారని జిగ్నేశ్ షా పేర్కొన్నారు. రుణ పత్రాలు, వడ్డీరేట్ల డెరివేటివ్స్, కరెన్సీ, ఎస్‌ఎంఈ మార్కెట్లో భారీ అవకాశాలు ఉన్నాయన్నారు.

తెలుగు వన్ఇండియా