భారత్‌లో బీమా రంగం కుంటుపడటానికి ప్రధాన కారణం క్లిష్టమైన పాలసీలను ప్రజల ముందుకు తీసుకువస్తున్నారు. ఏజెంట్లు పాలసీ పేరు చెప్పి ఏదో ఒక పాలసీ ప్రజలకు అంటగడుతున్నారు. దీని వల్ల బీమా రంగంపై ఏజెంట్లపై ప్రజలకు నమ్మకం తగ్గింది. అలా కాకుండా ప్రజలకు బీమా పాలసీ గురించి వారికి అర్ధమయ్యే విధంగా వివరిస్తే బీమారంగం పుంజుకుంటుందని ఆయన పేర్కొన్నారు. భారత్‌లో బీమారంగం పాలసీలు విక్రయించాలంటే పాలసీ ప్రాడక్టులు తేలికగా అర్ధం కావాలి... ఏజెంట్లు, అధికారులు ప్రజలను తప్పు దోవ పట్టించదరాదని దీనికి కంపెనీలు తమ ఏజంట్లను, అధికారులకు ఖచ్చిత మైన గైడ్‌లైన్స్‌ ఇవ్వాలని చిదంబరం సూచించారు.

బీమా కవరేజి తీసుకునే ప్రజల సంఖ్య అత్యంత తక్కువగా ఉన్న దేశాల్లో భారత్ కూడా ఒకటిగా ఉందన్నారు. స్థూల దేశీయోత్పత్తిలో బీమా రంగ వాటా 4% కన్నా తక్కువగా ఉందన్నారు. బ్యాంకింగ్ సేవల విస్తరణ వేగంగా జరుగుతుండగా.. బీమా పథకాలకు డిమాండ్, విస్తరణ ఓ మోస్తరుగా మాత్రమే ఉంటోందని మంత్రి వివరించారు. బీమా వ్యాపారానికి సంబంధించి ఆసియాలో భారత్ సవాళ్లతో కూడుకున్న మార్కెట్ అన్నారు. అటు, మెట్‌లైఫ్ ఇండియాకి కార్పొరేట్ ఏజంటుగా వ్యవహరించడం ద్వారా తొలి ఏడాది రూ. 600 కోట్ల మేర ప్రీమియం వసూళ్లు నమోదు చేసినట్లు పంజాబ్ నేషనల్ బ్యాంక్(పీఎన్‌బీ) సీఎండీ కేఆర్ కామత్ తెలిపారు.

తెలుగు వన్ఇండియా