ఇటీవల ప్రభుత్వం ప్రవేశపెడుతున్న సంస్కరణలు ఇందుకు దోహదపడుతున్నాయని నిపుణులు పేర్కొన్నారు. పన్ను ఎగవేతలకు చెక్ పెట్టే గార్ అమలును 2016 ఏప్రిల్ వరకూ వాయిదా వేయడం, డీజిల్ ధరలపై కొంతమేర నియంత్రణలు ఎత్తివేయడం వంటి అంశాలు ఎఫ్‌ఐఐలకు ప్రోత్సాహాన్నిస్తున్నాయంటూ విశ్లేషించారు. మరోవైపు ఫిస్కల్ క్లిఫ్ బిల్లును అమెరికా సెనేట్ ఆమోదించడం కూడా విదేశీ పెట్టుబడుల రాకకు కారణమైందని తెలిపారు.

ఇటీవల కాలంలో టాటా గ్రూప్ కంపెనీల పట్ల ఎఫ్ఐఐలు ఎక్కువగా ఆసక్తిని కనబర్చారు. వివరాల్లోకి వెళితే టీసీఎస్‌లో ఎఫ్‌ఐఐల వాటా 14.83% నుంచి 14.96%కు పుంజుకోగా, టాటా మోటార్స్‌లో 28.47% నుంచి 29.01%కు పెరిగింది. టాటా పవర్, ట్రెంట్, టాటా కమ్యూనికేషన్స్, టాటా ఎలక్సీ, టాటా గ్లోబల్ బెవరేజెస్, ఇండియన్ హోటల్స్‌లోనూ ఎఫ్‌ఐఐల పెట్టుబడులు పెరిగాయి.

తెలుగు వన్ఇండియా