న్యూఢిల్లీ: ఇండియా వృద్ది రేటు 2012 చివరి త్ర్తైమాసికంలో (అక్టోబర్-డిసెంబర్) బ్రిక్ దేశాలైన (బ్రెజిల్, రష్యా, ఇండియా, చైనా)లతో పోలిస్తే చైనాను మించి నమోదైనట్లు హెచ్‌ఎస్‌బిసి ఒక సర్వేలో పేర్కొంది. అభివృద్ధి చెందుతున్న దేశాల మార్కెట్లలో స్వల్ప పెరుగుదల నమోదైందని పేర్కొంది. బ్రిక్‌ దేశాల విషయానికి వస్తే భారత్‌ చైనా కంటే వేగంగా వృద్ధి చెందిందని హెచ్‌ఎస్‌బీసీలో సర్వేలో వెల్లడయింది. తయారీరంగం, సేవల రంగం విషయానికి వస్తే బ్రిక్‌ దేశాలు (బ్రెజిల్‌, రష్యా, ఇండియా, చైనా) లలో 2012 నాలుగవ త్రైమాసికంలో వృద్ధిరేటు పుంజుకున్నా... అంచనా కంటే తక్కువగా నమోదై నట్లు హెచ్‌ఎస్‌బీసీ ఎమర్జింగ్‌ మార్కెట్స్‌ ఇండెక్స్‌ (ఎఎంఐ)లో పేర్కొంది. 2012 నాలుగవ త్రైమాసికం లో ఈఎంఐ 52.9 పాయింట్లకు ఎగబాకగా.. మొదటి త్రైమాసికంతో (జనవరి - మార్చిలో ) 52.2 గా నమోదైంది.

భారత్‌ విషయానికి వస్తే వేగంగా విస్తరించింది. కాగా చైనాలో అంత జోరు కనిపించడం లేదని హెచ్‌ఎస్‌బీసీ ప్రధాన ఆర్థికవేత్త స్టీఫెన్‌ కింగ్‌ చెప్పారు. అభివృద్ధి చెందుతున్న దేశాల్లో నాలుగవ త్రైమాసి కంలో కూడా తయారీ రంగంలో పెద్ద ఎత్తున ఆర్డర్లు రాలేదని దీనికి కారణం అభివృద్ధి చెందిన దేశాల డిమాండ్‌ బలహీనంగా ఉందని తెలుస్తోందన్నారు. ముఖ్యంగా యూరోజోన్‌లో డిమాండ్‌ మందగించిందన్నారు. వచ్చే ఆర్థిక సంవత్సరం వృద్ధి రేటును సైతం 6.9 శాతం నుంచి 6.2 శాతానికి తగ్గిస్తున్నట్లు పేర్కొన్నారు. 2014-15లో 7.5 శాతం వృద్ధి నమోదుకావచ్చని అంచనావేసింది. మూడేళ్ల తర్వాత దేశం తిరిగి సుస్థిర ప్రాతిపదికన 8 శాతం వృద్ధిబాటకు నడిచే అవకాశం ఉందని సంస్థ ఆసియన్ ఎకనమిక్స్ పరిశోధనా ఎండీ, కో-హెడ్ క్యూ హ్యూంగ్‌బిన్ తెలిపారు.

తెలుగు వన్ఇండియా