ఆడిటింగి నాణ్యతను పరిశీలించడం, ఆడిటర్ల నిబద్దత.. వేరే అంశాలను చూసేందుకు గాను నేషనల్ ఫైనాన్షియల్ రిపోర్టింగ్ అధారిటి (ఎన్‌ఎఫ్‌ఆర్‌ఏ) పేరుతో క్వాసి-జ్యూడిషియల్ సంస్థను ఏర్పాటు చేస్తున్నామని వివరించారు. ఇది అక్రమాలకు పాల్పడే ఆడిటర్లను సస్పెండ్ చేస్తుందని వివరించారు. కాస్ట్ అకౌంటెంట్‌లను కూడా సస్పెండ్ చేసే అధికారం ఈ సంస్థకు ఉంటుందని పేర్కొన్నారు. ఒక ఆడిటర్ ఏ కంపెనీని ఐదేళ్లకు మించి ఆడిట్ చేయకూడదని తెలిపారు.

కార్పొరేట్ దిగ్గజం సత్యం కంప్యూటర్స్‌లో చోటు చేసుకున్న రూ.7,800 కోట్ల ఆర్థిక కుంభకోణానికి కారకులుగా పేర్కొంటూ ఆ సంస్థ మాజీ ఛైర్మన్ రామలింగరాజుతో సహా తొమ్మిదిమందిని అరెస్టు చేసింది. రూ.3300 కోట్ల మేర నిధులను చూపించేందుకు నిందితులు పత్రాల్లో అవకతవకలకు పాల్పడటమే కాకుండా, నకిలీ ఫిక్స్‌డ్ డిపాజిట్ రిసిప్టులు సృష్టించింది. అంతేకాకుండా బ్యాంకు అకౌంట్లలో రూ.1800 కోట్ల మేర నిధులు చూపించేందుకు బ్యాంకు గ్యారెంటీల్లోనూ అవకతవకలకు పాల్పడింది. రూ.4500 కోట్ల నిధులను సరిచేసేందుకు, వాటిని సత్యం ఖాతాల పుస్తకాల్లో చూపించేందుకు సృష్టించిన రూ.7000 కోట్ల నకిలీ ఇన్‌వాయిస్‌ల కోసం నిందితులు ఎక్కువగా సాంకేతిక పరిజ్ఞానంపై ఆధారపడ్డారని సీబీఐ తన దర్యాప్తులో పేర్కొంది.

తెలుగు వన్ఇండియా