న్యూఢిల్లీ: ప్రధానమంత్రి మన్మోహన్‌ సింగ్‌కు టాటా గ్రూపు సంస్దల చైర్మన్‌ రతన్‌టాటా క్షమాపణలు చెబుతూ లేఖ రాశారు. వివరాల్లోకి వెళితే లండన్‌కు చెందిన ఫైనాన్సియల్‌ టైమ్స్‌కు ఇచ్చిన ఇంటర్యూలో తాను ప్రధానిపై విమర్శలు చేసినట్లు వచ్చిన వార్తలపై రతన్‌ టాటాస్పందించారు. తాను చేసిన వ్యాఖ్యలను ఫైనాన్సియల్‌ టైమ్స్‌ పత్రిక వక్రీకరించిందని టాటా లేఖలో స్పష్టం చేశారు. దేశంలో మన్మోహన్‌ను అభిమానించే వారిలో తాను ఒకడినని రతన్‌ టాటా తన లేఖలో చెప్పారు.

ఇక రతన్ టాటా ఈ నెల 28న టాటాసన్స్‌ చైర్మన్‌ పదవీ నుండి రిటైర్‌మెంట్ తీసుకుంటున్నారు. ఫైనాన్సియల్‌ టైమ్స్‌కు ఇచ్చిన ఇంటర్వ్యూలో ప్రభుత్వం సంస్కరణలు చేపట్టడంలో ప్రధాని అశ్రద్ద వహిస్తున్నారని ప్రభుత్వంపై ధ్వజమెత్తినట్లు ప్రధానమంత్రిని తీవ్రంగా విమర్శించినట్లు ఆ పత్రిక ఇంటర్వ్యూలో పేర్కొంది. దీంతో రతన్ టాటా ప్రధానమంత్రి మన్మోహాన్ సింగ్‌కు ప్రత్యేకంగా ఆ పత్రికలో రాసినవన్నీ అబద్దలంటూ, తాను చేసిన వ్యాఖ్యలను వక్రీకరించిందని సంజాయిషీ ఇచ్చుకున్నారు.

టాటా గ్రూప్ చైర్మన్‌గా మరో రెండు వారాల్లో పదవీ విరమణ చేయనున్న నేపథ్యంలో రతన్ టాటా.. ప్రస్తుతం వైస్‌ ఛైర్మన్‌గా ఉన్న తన వారసుడు సైరస్ మిస్త్రీకి ఎలా మెలగాలన్నదానిపై తర్ఫీదునిస్తున్నారు. తననో, మరొకరినో అనుకరించే ప్రయత్నం చేయకుండా స్వతంత్రంగా వ్యవహరించాలని ఆయన సూచించారు. ‘నువ్వు నీలాగే ఉండు. నీ సొంత నిర్ణయం నువ్వు తీసుకో. నువ్వు ఏం కావాలనుకుంటున్నావో ముందుగా నువ్వే నిర్ణయించుకో' అని మిస్త్రీకి విలువైన సూచనలు చేశారు. ఈ నెల 28తో 75 ఏళ్లు నిండనున్న రతన్ టాటా గ్రూప్ చైర్మన్ పదవి నుంచి రిటైర్ అవుతున్నారు.

తెలుగు వన్ఇండియా