ముంబై: కింగ్‌ఫిషర్ ఎయిర్‌లైన్స్‌కు ఆ సంస్ద ఛైర్మన్ విజయ్ మాల్యా నిధులు సమకూర్చనున్నారు. వివరాల్లోకి వెళితే డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) అనుమతి లబించిన వెంటనే దశల వారీగా విమాన సేవలను కింగ్‌ఫిషర్ ఎయిర్‌లైన్స్‌ తిరిగి ప్రారంభించనుంది. కింగ్‌ఫిషర్‌ ఎయిర్‌లెైన్స్‌ సర్వీసులను ప్రారంభించేందుకు విజయ్‌మాల్యా రూ.425 కోట్లు పెట్టుబడి పెట్టి విమా నయాన సర్వీసులు ప్రారంభించాలనుకుం టున్నట్లు స్టేట్‌ బ్యాంకు ఆఫ్‌ ఇండియా డిప్యూటీ మేనేజింగ్‌ డెైరెక్టర్‌ మిడ్‌ కార్పొరేట్‌ శ్యాంలాల్‌ ఆచార్య చెప్పారు.

ఎయిర్‌లెైన్స్‌కు చెందిన ఉన్నతాధికారులతో సమావేశమైన శ్యాంలాల్‌ ఆచార్య మాట్లాడుతూ కంపెనీ ఛైర్మన్ విజయ్ మాల్యా దశలవారీగా ఈ పెట్టుబడులు పెట్టడానికి సిద్ధంగా ఉన్నారని వివరించారు. డీజీసీఏ నుంచి సంబంధిత అనుమతులు రాగానే కింగ్‌ఫిషర్ కార్యకలాపాలు ప్రారంభిస్తుందని... ఐతే పెట్టుబడులు ఎప్పుడు పెట్టేది. దానికి టైంలెైన్‌ ఎంత అనే వివరాలు మాత్రం వెల్లడించలేదు. మాల్యా మాత్రం కొత్తగా ఎలాంటి రుణం అడుగలేదని ఆచార్యచెప్పారు. డీజీసీఏ నుంచి అనుమతి లభించగానే తన సొంత డబ్బు రూ.425 కోట్లు పెట్టుబడి పెట్టేందుకు సిద్ధంగా ఉన్నానని చెప్పారని ఆచార్య పేర్కొన్నారు.

ఎస్‌బీఐ కింగ్‌ఫిషర్‌కు రూ.1,500 కోట్ల రుణం ఇచ్చిన విషయం తెలిసిందే. త్వరలో పునరుద్ధరణ ప్రణాళికను డీజీసీఏకు సమర్పిస్తామని వివరించింది. ఐదు విమానాలతో కార్యకలాపాలు ప్రారంభిస్తామని, ఆ తర్వాత 6 వారాల్లో విమానాల సంఖ్యను 21కు పెంచుతామని మాల్యా ఈ సమావేశంలో చెప్పినట్లు సమాచారం. విజయ్ మాల్యా కొత్తగా ఎలాంటి రుణాలను అడగలేదని, తన సొంత వనరుల నుంచే పెట్టుబడులు సమీకరిస్తానని ఆయన వివరించారని అన్నారు. కార్యకలాపాలు ప్రారంభించిన తర్వాతనే ఇతరులతో పెట్టుబడులకు సంబంధించి చర్చలు జరుపుతామని మాల్యా తెలిపినట్లు ఆచార్య చెప్పారు.

తెలుగు వన్ఇండియా