ముంబై: మళ్లీ మార్కెట్లో ట్యాక్స్ ఫ్రీ బాండ్ల ఇష్యూ మొదలైంది. ప్రభుత్వ రంగ సంస్ద ఆయినటువంటి పవర్ పైనాన్స్ కార్పోరేషన్ ఈరోజు శుక్రవారం డిసెంబర్ 14న మార్కెట్లోకి ట్యాక్స్ ఫ్రీ బాండ్ల ఇష్యూ మొదలుపెట్టనుంది. ఈ నెల 21తో ముగియనున్న ఇష్యూ ద్వారా సుమారుగా రూ. 4,590 కోట్లను సమీకరించాలని భావిస్తుంది. 10 నుండి 15 సంవత్సరాల కాలపరిమితి కలిగిన ఈ బాండ్లకు 7.19 శాతం నుండి 7.86 శాతం వరకూ వడ్డీ రేటును ఆఫర్ చేస్తుంది.

పవర్ పైనాన్స్ కార్పోరేషన్ ఇష్యూ చేయనున్న బాండ్లు బాంబే స్టాక్ ఎక్సేంజ్‌లో లిస్ట్ కానున్నాయి. అంతేకాకుండా నాన్ కన్వర్టబుల్ డిబెంచర్ల మార్గంలో బాండ్లను జారీ చేయనుంది. ఈ ట్యాక్స్ ఫ్రీ బాండ్ల ద్వారా వచ్చిన నిధులను రుణాల చెల్లింపు, వర్కింగ్ క్యాపిటల్ అవసరాలకు వినియోగించనున్నట్లు కంపెనీ తెలిపింది. తొలి దశ కింద చేపడుతున్న ఇష్యూ సమీకరణ లక్ష్యం రూ. 1,000 కోట్లుకాగా, అధిక సబ్‌స్క్రిప్షన్ లభిస్తే గ్రీన్‌షూ ఆప్షన్ కింద రూ. 4,590 కోట్ల వరకూ బాండ్లను జారీ చేయనున్నట్లు ఒక ప్రకటనలో తెలిపింది.

తెలుగు వన్ఇండియా