న్యూఢిల్లీ: 2013వ సంవత్సరంలో భారత ఆర్దిక వ్యవస్ద వృద్ది రేటు అంచనాలను మించే అవకాశం ఉందని అంతర్జాతీయ పెట్టుబడుల బ్యాంకింగ్ దిగ్గజం గోల్డ్‌మన్ శాక్స్ పేర్కొంది. సంస్కరణల బాటలో ఇండియా ముందడుగు వేస్తున్న సంకేతాలు, అవి తగిన ఫలితాలను ఇచ్చే అవకాశాలు భారత్ స్దూల దేశీయోత్పత్తి (జీడీపీ) వృద్ది రేటు అంచనాలు మించుతుందనడానికి కారణాలని ఒక పరిశోధనలో తేలిందని గోల్డ్‌మన్ శాక్స్ అస్సెట్ మేనేజ్‌మెంట్ ఛైర్మన్ జిమ్ ఓ నీల్ పేర్కొన్నారు. బ్రిక్ (బీఆర్‌ఐసీ) దేశాల్లో భారత్ ప్రత్యేకమైన విశిష్ట లక్షణాలను కలిగి ఉందని ఆయన అన్నారు.

మార్కెట్‌లో తీసుకు వచ్చిన పాలసీ విధి విధానాల ప్రభావం భారత స్టాక్ మార్కెట్లు నిశితంగా పరిశీలిస్తున్నాయని అన్నారు. ఈ లక్షణాలే 2013లో భారత్ జీడీపీ మంచి వృద్ది రేటును సాధించడానికి కారణంగా నిలుస్తుందని ఆయన విశ్లేషించారు. రిజర్వ్ బ్యాంక్ ఆఫ్ ఇండియా గవర్నర్ దువ్వూరి సుబ్బారావు ఇటీవల మాట్లడుతూ నాల్గవ క్వార్టర్‌లో భారత ద్రవ్యోల్బణం కొంత మేరకు పెరగవచ్చునని సూచించిన విషయం తెలిసిందే.

దీనికి అనుగుణంగా సమర్దవంతమైన విధాన మార్పులను సకాలంలో తీసుకురావడంలో నెలకొన్ని ఇబ్బందులు దేశం భారీ వృద్ది రేటు సాధించడంలో కొంత అడ్డంకుగా మారుతున్నట్లు ఈ సందర్బంలో తెలిపారు. దశాబ్దం క్రితం బ్రెజిల్, రష్యా, ఇండియా, చైనాలను కలుపుతూ బ్రిక్ దేశాలుగా జిమ్ వాడుకలోకి తెచ్చారు. భారత్ జీడీపీ వృద్ధిరేటు 2013లో 6.5 శాతంగా నమోదయ్యే అవకాశం ఉందని గోల్డ్‌మన్ శాక్స్ అంచనా వేసింది.

తెలుగు వన్ఇండియా