న్యూఢిల్లీ: ప్రస్తుత ఆర్దిక సంవత్సరంలో ఆసియా అభివృద్ది బ్యాంక్ భారత్ స్దూల దేశీయోత్పత్తి (జీడీపీ) వృద్ది రేటు అంచనాలను సవరించింది. రెండు నెలలు క్రితం భారత ఆర్దిక వ్యవస్ద 5.6 శాతం వృద్ది రేటు సాధిస్తుందని అంచనా వేసిన ఆసియా అభివృద్ది బ్యాంక్ ఇప్పుడు తాజాగా 5.4 శాతానికి కుదించింది. ఇక వచ్చే ఆర్దిక సంవత్సరం 2013- 2014 సంవత్సరానికి గాను 6.7 శాతం నుండి 6.5 శాతానికి కుదించామని ఆసియా అభివృద్ది బ్యాంక్ తమ ఆసియన్ డెవలప్‌మెంట్ అవుట్‌లుక్ (ఎడిఓ) 2012 నివేదికలో పేర్కొంది.

భారత్ వృద్ది అంచనాలను ఆసియా అభివృద్ది బ్యాంక్ తగ్గించడం ఇది నాల్గవసారి. అంతర్జాతీయ డిమాండ్ స్దాయిలో పుంజుకోకపోవడం, వర్షాభావ పరిస్దితులు, వ్యవసాయ దిగుబడులపై ప్రభావం వంటి అంశాలు దీనికి కారణమని ఆసియా అభివృద్ది బ్యాంక్ పేర్కొంది. ఆసియాలో పలు దేశాలు ఆర్దిక పరిస్దితులు క్లిష్ట పరిస్దితులను ఎదుర్కొంటున్నట్లు తన నివేదికలో ఆసియా అభివృద్ది బ్యాంక్ తెలిపింది.

గత ఏప్రిల్‌లో విడుదల చేసిన మొదటి ఎడిఓలో భారత్ వృద్ధిరేటు 7% అని ఆసియా అభివృద్ది బ్యాంక్ అంచనా వేసింది. తర్వాత జూలైలో దీన్ని 6.5 శాతానికి, అక్టోబర్‌లో 5.6 శాతానికి , తాజాగా 5.4 శాతానికి తగ్గించింది . అలాగే 45 దేశాల ఆసియా జిడిపి వృద్ధి అంచనాను సైతం 6.1% నుంచి 6 శాతానికి బ్యాంక్ సవరించింది. 2011- 12 సంవత్సరానికి జిడిపి వృద్ధి 9ఏళ్ల కనిష్టస్థాయిలో 6.5 శాతానికి తగ్గింది. ప్రస్తుత ఆర్థిక సంవత్సరానికి వృద్ధిరేటు మరింత తగ్గి 5.8 శాతానికి పరిమితం అవుతుందని రిజర్వ్ బ్యాంక్ ఆఫ్ ఇండియా అంచనా వేసిన విషయం తెలిసిందే.

తెలుగు వన్ఇండియా