ముంబై: స్టాక్ మార్కెట్లలో పెట్టుబడులు పెట్టే విధంగా చిన్న ఇన్వెస్టర్లను ప్రోత్సహించేందుకు ఉద్దేశించిన రాజీవ్ గాంధీ ఈక్విటీ సేవింగ్స్ స్కీమ్ (ఆర్‌జీఈ‌ఎస్ఎస్) నిబంధనలను సెబీ నిన్న ప్రకటించింది. ప్రస్తుత ఆర్దిక సంవత్సర కేంద్ర బడ్జెట్‌లో పొందుపరచిన ఈ పథకం ప్రకారం కొత్త మదుపుదారులు, స్ధూల వార్షిక ఆదాయం రూ. 10 లక్షలు గానీ, లేదా అంతకన్నా తక్కువగా గానీ ఉండే వారు స్టాక్ మార్కెట్‌లో రూ. 50,000 వరకు పెట్టుబడి పెట్టి పన్ను రాయితీలు పొందవచ్చు.

ఈ పథకాన్ని ఆర్దిక శాఖకు చెందిన రెవిన్యూ విభాగం గత నెల 23న నోటిపై చేసిన విషయం తెలిసిందే. ఇన్వెస్టర్లు వారి ఆర్‌జీఈ‌ఎస్ఎస్ నిర్దేశిత డీమ్యాట్ ఖాతా ద్వారా జరిపిన లావాదేవీలకు సంబంధించి ఏవైనా వివరాలను స్టాక్ ఎక్సేంజ్‌ల నుండి అడిగి తీసుకోవచ్చు. కొత్త ఇన్వెస్టర్‌కు ఎటువంటి వాటిని సూచించని పక్షంలో, డీమ్యాట్ ఖాతా ద్వారా మొదటి సంవత్సరకాలం పాటు లాకిన్ దానంతట అదే అమలవుతుందని సెబీ ఇచ్చిన నోటిఫికేషన్‌లో పేర్కొంది. కొత్త ఇన్వెస్టర్లు మాత్రం తన నిర్దిష్ట సూచనను చెప్పాలనుకొంటే పెట్టుబడి పరిమితిలో చేర్చకూడదని సెక్యూరిటీలను పేర్కొంటూ ఒక డిక్లరేషన్ ఇవ్వాలి. ఆర్‌జీఈఎస్‌ఎస్ పరిధిలోకి వచ్చే స్టాక్స్, ఎక్స్చేంజ్ ట్రేడెడ్ ఫండ్స్ (ఈటీఎఫ్‌లు), మ్యూచువల్ ఫండ్స్ స్కీముల జాబితాలను స్టాక్ ఎక్స్చేంజీలు తమ వెబ్‌సైట్లలో ఉంచాలి.

తెలుగు వన్ఇండియా