ఆంధ్రప్రదేశ్‌ రాష్ట్ర వ్యాప్తంగా 27 శాఖల్లో క్యాష్ డిపాజిట్ మెషీన్లను ఏర్పాటు చేయడం జరిగిందని.. డిసెంబర్ నెల చివరికల్లా వీటి సంఖ్యను 69కి పెంచనున్నట్లు ఆయన తెలిపారు. ఈ క్యాష్ డిపాజిట్ మెషీన్లను వినియోగదారులకు అందుబాటులో ఉంచడం వల్ల వారంలో ఇరవై నాలుగు గంటల్లో ఎప్పుడైనా ఖాతాదారులు తమ ఎకౌంట్లలో నగదుని డిపాజిట్ చేసుకోవచ్చు. ఈ మెషీన్ల ద్వారా ఖాతాదారులు గరిష్టంగా రూ. 49.900 లేదా 200 నోట్లను డిపాజిట్ చేయవచ్చు. స్టేట్ బ్యాంక్ ఆఫ్ ఇండియాకు చెందిన ఎటీఎం డెబిట్ కార్డు, ఎస్‌ఎంఈ ఇనస్టా డిపాజిట్ కార్డు, గ్రీన్ రెమిట్ కార్డు ద్వారా ఈ మెషీన్లను వినియోగించుకోవచ్చు.

ఖాతాదారులు నగదు డిపాజిట్ చేసిన వెంటనే బ్యాలెన్స్ ఎంక్వైరీ, మినీ స్టేట్‌మెంట్, పాస్ వర్డ్ మార్చుకోవడం వంటి సేవలను పొందవచ్చు. పర్యావరణానికి ప్రయోజనం చేకూర్చే విధంగా కాగితాన్ని ఉపయోగించనటువంటి సేవలను అందించడంలో స్టేట్ బ్యాంక్ ఆఫ్ ఇండియా (ఎస్‌బీఐ) ఎల్లప్పుడూ ముందు ఉంటుందని అన్నారు.

తెలుగు వన్ఇండియా