ప్రభుత్వ పాలసీ రేట్లలో కొంత తగ్గుదల వల్ల ప్రస్తుతం ఉన్న కఠిన ద్రవ్య పరిస్దితులు తొలగిపోయి, కొత్త సంస్కరణలను కొనసాగించడం వల్ల పెట్టుబడిదారుల్లో పెరిగే విశ్వాసం, వ్యవసాయ దిగుబడుల్లో పెరుగుదల దీనికి కారణమని తెలిపింది. అదే 2015-2016 నాటికి వృద్ది రేటు మరింత మెరుగుపడుతుందని కూడా తన అంచనాలో తెలిపింది. దీనితో పాటు వచ్చే ఏడాది చివరికి నిఫ్టీ ఇండెక్స్ 14 శాతం పెరిగి 6,600కు చేరవచ్చని నివేదికలో పేర్కొంది. ఇక 2013 డిసెంబర్ నాటికి బాంబే స్టాక్ ఎక్సేంజ్ 23,069 పాయింట్ల స్దాయికి చేరవచ్చని నవంబర్ 26 నివేదికలో మోర్గాన్ స్టాన్లీ వేసిన అంచనాతో ఏకీభవించింది.

ఆర్థిక వ్యవస్థ మంచి పనితీరును ప్రదర్శిస్తుందని అంచనా వేసిన నివేదిక, రాబోయే కాలంలో మాత్రం నిరాశాజనక పరిస్థితి తప్పదని విశ్లేషించింది. 2012లో వృద్ధి రేటును 5.4 శాతంగా అంచనా వేస్తోంది. అధిక ద్రవ్యోల్బణం, ద్రవ్య, కరెంట్ అకౌంట్ల లోటు, బలహీన వృద్ధి వంటి అంశాలను ఈ సందర్భంగా ప్రస్తావించింది. ప్రస్తుత ఆర్థిక సంవత్సరంలో భారత్ జీడీపీ రెండవ త్రైమాసిక గణాంకాలు (జూలై-సెప్టెంబర్) ఈరోజు విడుదల కానున్నాయి. 2008 ప్రపంచ ఆర్థిక సంక్షోభానికి ముందు భారత్ ఆర్థిక వృద్ధి 8-9 శాతం శ్రేణికి చేరింది. 2011-12లో తొమ్మిది సంవత్సరాల కనిష్ట స్థాయి 6.5 శాతానికి జారింది. 2012 జూన్ 30తో ముగిసిన త్రైమాసికంలో వృద్ధి 5.5 శాతంగా నమోదైన విషయం తెలిసిందే.

తెలుగు వన్ఇండియా