ఈ సందర్బంలో నేషనల్ పేమెంట్ కార్పోరేషన్ ఆఫ్ ఇండియా (ఎన్‌పీసీఐ) ఎండీ, చీఫ్ ఎగ్జిక్యూటివ్ ఎపి హోతా మాట్లాడుతూ ప్రస్తుతం స్మార్ట్‌ఫోన్‌తోనే మొబైల్ బ్యాంకింగ్ సేవలు లభ్యమవుతున్నాయని, ఐతే ఎలాంటి మొబైల్ హ్యాండ్‌సెట్ తోనైనా బ్యాంకింగ్ సేవలు పొందేలా ఈ అప్లికేషన్‌ను రూపొందించామని అన్నారు. ప్రస్తుతం బీఎస్ఎన్ఎల్, ఎంటీఎన్ఎల్ నెట్ వర్క్‌ల్లో 23 బ్యాంకులకు సంబంధించిన సేవలు పొందవచ్చని వివరించారు. దేశం మొత్తం మీద 14 మొబైల్ కంపెనీలు ఉన్నాయని, ఈ నెట్ వర్క్‌లకు కూడా ఈ సర్వీసులను విస్తరించడానికి మరికొంత సమయం పడుతుందని తెలిపారు.

*99# నెంబర్‌కు డయల్ చేసి వినియోగదారులు తమ యొక్క ఎకౌంట్ బ్యాలెన్స్, ఫండ్స్ ట్రాన్ఫర్, కొత్త చెక్ పుస్తకం కోసం రిక్వెస్ట్ లాంటివి పంపవచ్చు.

తెలుగు వన్ఇండియా