ముంబై: ప్రస్తుత ఆర్దిక సంవత్సరంలో దేశీయ ఐటీ పరిశ్రమ కనీసం 11 నుండి 14 శాతం అభివృద్దిని సాధించవచ్చని ఐటీ కంపెనీల సమాఖ్య నాస్కామ్ తెలిపింది. దీనితో పాటు దేశీయ ఐటీ ఎగుమతుల ద్వారా ఆదాయం 75 నుండి 77 బిలియన్ డాలర్లు ఉండోచ్చునని పేర్కొంది. అభివృద్ది అంచనాలను 11 నుండి 14 శాతం శ్రేణిలో నిర్దేసించిన ఇది దిగువ స్దాయి సంఖ్య 11 శాతానికే పరిమితం అవుతుందని నాస్కామ్ ఛైర్మ్ ఎన్ చంద్రశేఖరన్ తెలిపారు. నాస్కామ్ ప్రెసిడెంట్ సోమ్ మిట్టల్ మాట్లాడుతూ ప్రస్తుత ఆర్దిక సంవత్సరంలో గట్టి సవాళ్లను ఎదుర్కొవాల్సి ఉంటుందని అన్నారు.

ఏది ఏమైనా ఈ ఆర్దిక సంవత్సరం కనీసం రెండంకెల స్దాయి వృద్దిని నమోదు చేయాలని భావిస్తున్నట్లు తెలిపారు. ప్రధాన దేశాల్లో ఆర్దిక పరిస్దితులు అస్తవ్యస్తంగా ఉండటంతో.. ఈ ఏడాది ట్రెండ్స్ లో పెద్ద ఎత్తున మార్పులు ఉంటాయన్నారు. ముఖ్యంగా భారత్‌కు అవుట్ సోర్సింగ్ చేస్తున్న అమెరికా, యురోపియన్ దేశాల అభివృద్ది అంతంత మాత్రంగానే ఉందని అన్నారు. దేశీయ కంపెనీల కార్యకలాపాలు, భారత్‌లో కార్యకలాపాలు నిర్విహిస్తున్న కార్పోరేట్ సంస్దలు, గ్లోబల్ ఇన్ హౌస్ కేంద్రాల పనితీరుని ఆధారం చేసుకోని నాస్కామ్ అభివృద్ది అంచనాలను వేస్తున్న విషయం తెలిసిందే.

తెలుగు వన్ఇండియా