ముంబై: సోమవారం స్టాక్ మార్కెట్ ప్రారంభం కాగానే లిక్కర్ దిగ్గజం యునైటెడ్ స్పిరిట్స్ షేరు ట్రేడింగ్‌లో ఏకంగా 35 శాతం పెరిగిపోయింది. బాంబే స్టాక్ ఎక్సేంజ్‌లో లైఫై టైమ్ గరిష్ట స్దాయి రూ. 1,835 వద్ద ముగిసింది. రెండు సంవత్సరాల గరిష్ఠానికి ఈ షేరు ఎగబాకింది. ఒక దశలో 38 శాతం వరకూ దూసుకెళ్లి రూ. 1,877ను సైతం తాకింది. ఇక నేషనల్ స్టాక్ ఎక్సేంజ్‌లో దాదాపు 35 శాతం వరకూ పెరిగి రూ. 1,832 వద్ద స్దిరపడింది. ఒక్కరోజులో కంపెనీ మార్కెట్ విలువ రూ. 6,211 కోట్లు పెరిగింది.

శుక్రవారం నాడు డియాజియో యూనెైటెడ్‌ స్పిరిట్‌లో 54.3 శాతం వాటాను కైవసం చేసుకుంది. డీల్‌లో భాగంగా యునైటెడ్ స్పిరిట్స్ వాటాదారుల నుండి ఓపెన్ ఆఫర్ ద్వారా షేరుకి రూ. 1,440 ధరలో 26 శాతం వాటాను కొనుగోలు చేయనుంది.
యూకే దిగ్గజం డియాజియోతో డీల్ కారణంగానే ఇన్వెస్టర్లు యునైటెడ్ స్పిరిట్స్ షేరులో కొనుగోళ్లకు ఎగబడ్డారని మార్కెట్ వర్గాలు పేర్కోన్నాయి. ఈ డీల్ ద్వారా కంపెనీ రుణ భారం భారీగా తగ్గడమే కాకుండా, షేరు వారీ అర్జన పుంజుకోనుందని అభిప్రాయపడ్డారు.

ఓం కేదార్ ఇన్వెస్ట్‌మెంట్స్ నుండి శివానంద్ శంకర్ మానేకర్ అనే వ్యక్తి యునైటెడ్ స్పిరిట్స్‌కు చెందిన 1.45 లక్షల షేర్లను రూ. 22.3 కోట్లు చెల్లించి బల్క్ డీల్‌లో కొనుగోలు చేశారు. హిందు అవిభాజ్య కుటుంబం (హెచ్‌యూఎఫ్) విభాగం కిందకు వచ్చే మానేకర్ సగటున ఒక్కో షేరుకు రూ. 1540 చెల్లించి ఈ షేర్లను సొంతం చేసుకున్నట్లు ఎన్ఎస్ఈ సమాచారం అందించింది.

తెలుగు వన్ఇండియా