హైదరాబాద్: హైదరాబాద్‌కు చెందిన డెక్కన్ క్రానికల్ హోల్డింగ్స్ (డీసీహెచ్ఎల్)పై ఫోరెన్సిక్ ఆడిట్ నివేదిక రాగానే తదుపరి చర్యల గురించి ఆ సంస్దకు రుణాలిచ్చిన బ్యాంకులన్నీ కలిసి నిర్ణయం తీసుకుంటాయని కెనరా బ్యాంక్ ఎగ్జిక్యూటివ్ డైరెక్టర్ ఏకె గుప్తా తెలిపారు. డెక్కన్ క్రానికల్ హోల్డింగ్స్ (డీసీహెచ్ఎల్) ఖాతాలకు సంబంధించి ఫోర్జరీ, నకిలీ లావాదేవీల గురించి తెలుసుకునేందుకు ప్రముఖ ఆడిట్ సంస్ద డెలాయిట్‌తో ఫోరెన్సిక్ ఆడిట్‌ను నిర్వహిస్తున్నామని ఆయన అన్నారు. ఈ నెల చివరి కల్లా ఆడిట్ పూర్తయి.. పూర్తి నివేదిక రాగానే లీగల్ చర్యలు తీసుకుంటామని అన్నారు.

ఈ విషయంలో మిగతా బ్యాంకులు కూడా మాకు సహాకరించే భాగంలో వాటితో సంప్రదింపులు జరుపుతున్నామని అన్నారు. కెనరా బ్యాంకుతో పాటు కార్పోరేషన్ బ్యాంక్, ఆంధ్రా బ్యాంక్, ఐడీబీఐ, యాక్సిస్ బ్యాంక్, ఐసీఐసీఐ బ్యాంక్, యస్ బ్యాంక్‌లు డెక్కన్ క్రానికల్ హోల్డింగ్స్‌కు సుమారు రూ. 5000 కోట్లకుపైగా రుణాలిచ్చాయి. కెనరా బ్యాంక్ డీసీహెచ్‌ఎల్‌కు రూ. 330 కోట్ల రుణాలిచ్చినట్లు.. అందులో రూ. 225 కోట్లు మొండి బకాయిలుగా తమ బ్యాంక్ Q2 లాభనష్టాల్లో చూపించామని అన్నారు.

ఇది ఇలా ఉంటే కెనరా బ్యాంకు క్యూ2లో నికరలాభంలో 22.4 శాతం క్షీణిం చింది. సెప్టెంబర్‌ 30తో ముగిసిన కాలా నికి బ్యాంకు నికరలాభం రూ.660.97 కోట్లు.. గత ఏడాది ఇదే క్యూ2లో బ్యాంకు నికరలాభం రూ.852.22 కోట్లని బ్యాంకు ఒక ప్రకటనలో తెలి పింది. అయితే క్యూ2లో బ్యాంకు ఆదాయం మాత్రం పెరిగి రూ.9,203.61 కోట్లకు చేరగా... గత ఏడాది ఇదే కాలంలో ఆదాయం రూ.8,442.73 కోట్లుగా నమోదైంది.

తెలుగు వన్ఇండియా