ముంబై: ప్రస్తుత త్రైమాసికం నుండి మన ఆర్దిక వ్యవస్ద పుంజుకోగలదని రిజర్వ్ బ్యాంక్ ఆఫ్ ఇండియా భావిస్తుంది.దేశ వృద్ది రేటు 5.5 శాతం స్దాయి కన్నా దిగువకు పడిపోతేనే రిజర్వ్ బ్యాంక్ ఆఫ్ ఇండియా(ఆర్‌బీఐ) జోక్యం చేసుకుంటుందని గవర్నర్ దువ్వూరి సుబ్బారావు పేర్కోన్నారు. వృద్ది రేటు అంచనాలను ఆర్‌బీఐ 6.5 శాతం నుండి 5.8 శాతానికి తగ్గించిన ఒక రోజు తర్వాత దువ్వూరి సుబ్బారావు ఆర్దికవేత్తలు, విశ్లేషకులతో జరిగిన సాంప్రదాయక పాలసీ అనంతర సమావేశంలో మాట్లాడుతూ ప్రస్తుత స్దాయికన్నా వృద్ద రేటు మరింత తగ్గితే మేం స్పందిస్తాం. ఐతే మా అంచనాల ప్రకారం అలా జరగకపోవచ్చు. ఇక నుండి వృద్ది రేటు పెరుగుతుందని అన్నారు.

విదేశీ మారకద్రవ్య నిల్వలు పెరిగేందుకు ఫారెక్స్ మార్కెట్‌లో ఆర్‌బీఐ జోక్యం చేసుకోబోదని ఒక ప్రశ్నకు సమాధానంగా చెప్పారు. ఐతే రూపాయి విలువలో తీవ్ర ఒడిదుడుకులు పరిస్దితి తలెత్తితే దానిని ఎదుర్కొనడానికి రిజర్వ్ బ్యాంక్ ఆఫ్ ఇండియా(ఆర్‌బీఐ) జోక్యం చేసుకుంటుందని అన్నారు. వృద్ది రేటు, కీలక రేట్లు తగ్గింపునకు ఎటువంటి సంబంధం లేదన్నారు. ప్రస్తుత ఆర్దిక సంవత్సరం మొదటి త్రైమాసికానికి స్దూల దేశీయోత్పత్తి 5.5 శాతం పెరిగింది.

ఇది ఇలా ఉంటే రిజర్వ్ బ్యాంక్ ఆప్ ఇండియా ఈ ఏడాది ఆఖరు దారా పాలసీ రేట్లను యథాతధంగా ఉంచవచ్చునని, వచ్చే ఏడాది తొలి త్రైమాసికంలో మాత్రం స్వల్పంగా తగ్గించే అవకాశం ఉందని మోర్లాగన్ స్టాన్లీ తెలిపింది. డిసెంబర్ చివరినాటికి టోకు ధరల సూచీ ఆధారిత ద్రవ్యోల్బణం 8 - 8.3 శాతానికి పెరగొచ్చని పేర్కోంది. ఆ తర్వాత మార్చి త్రైమాసికానికి 7.5 శాతానికి దిగిరావొచ్చని తెలిపింది. 2013లో కీలక వడ్డీ రేట్ల తగ్గుదల 50 - 75 బేసిస్ పాయింట్లకే పరిమితమవుతుందని తెలిపింది.

తెలుగు వన్ఇండియా