గత కొన్ని నెలలుగా మన ఆర్దిక వ్యవస్ద సాగుతున్న మందగమనం తీరుకు అడ్డుకట్ట పడిందని, రానున్న ఆరునెలల్లో వృద్దిరేటు తిరిగి పుంజుకుంటుందని ప్రణాళికా సంఘం ఉపాధ్యక్షుడు మాంటెక్ సింగ్ అహ్లువాలియా అన్నారు. నిన్న యస్ బ్యాంక్ ఆధ్వర్యంలో ఏర్పాటు చేసిన సమావేశంలో ఆయన పాల్గోని ప్రసంగిస్తూ ప్రభుత్వం ముదుపరుల్లో విశ్వాసాన్ని పెంచడానికి ఇటీవల తీసుకున్న చర్యలు ఈ సంవత్సరం ద్వితీయార్దంలో మంచి ఫలితాలను ఇస్తాయని ఆశిస్తున్నామన్నారు. దీనితో పాటు జీడీపీ గణాంకాలు మెరుగుపడతాయన్న నమ్మకాన్ని ఆయన వ్యక్తం చేశారు.

ప్రథమార్థంలో జిడిపి వృద్ధిరేటు దాదాపు 5.5% నమోదైంది. ఈఏడాది చివరికి ఈరేటు ఆరుశాతానికి పెరుగుతుందని పేర్కొన్నారు. ఆగస్టునెల పారిశ్రామిక ఉత్పత్తి, పిఎంఐ సర్వేలు తమ సానుకూల అంచనాలకు తొలి సంకేతాలుగా భావిస్తున్నామని ఆయన తెలిపారు. మందకొడి తీరు ముగిసిందని చెప్పడానికి ఐఐపి గణాంకాలే నిదర్శనమని అన్నారు. ఐతే ఆర్థికప్రగతి వేగవంతమైందని చెప్పడం లేదు కానీ ప్రస్తుత సంస్కరణల అమలు ప్రభావానికి కొంత వ్యవధి పడుతుందని అహ్లువాలియా అన్నారు.

ప్రభుత్వ సంస్కరణలు ఇన్వెస్టర్లలో విశ్వాసాన్ని పెంపొందిస్తాయనడంలో సందేహం లేదు. మాంద్యానికి తెర పడిందని ఖచ్చితంగా చెప్పగలను కానీ ఆర్థిక రికవరీ ఏస్థాయిలో వుందో ఇప్పుడే చెప్పడం కష్టమని ఆయన వ్యాఖ్యానించారు.

తెలుగు వన్ఇండియా