న్యూఢిల్లీ: వంట గ్యాస్ సిలెండరు ధరను కేంద్ర ప్రభుత్వం రూ. 11.42 పెంచింది. ఇటీవల డీలర్లు కమీషన్ పెంచిన కారణంగా సిలెండర్లపై ధరను పెంచాల్సి వచ్చిందని ప్రభుత్వం తెలిపింది. నేషనల్ ఫెడరేషన్ ఆఫ్ ఎల్‌పిజి డిస్ట్రిబ్యూటర్స్ ఆఫ్ ఇండియా దేశ వ్యాప్తంగా ఉన్న 10,000 వేల మంది వంట గ్యాస్ ఏజెన్సీలు ప్రభుత్వాన్ని కమీషన్ పెంచాల్సిందిగా కోరారు. దీని ప్రకారం దేశంలో ఉన్న ప్రతి కుటుంబం సంవత్సరానికి సబ్సిడీ క్రింద 14.2 కేజీల గ్యాస్ కలిగిన ఆరు సిలెండర్లను మాత్రమే పొందగలుగు తారు. సబ్సిడీ క్రింద అందించే ఈ సిలెండర్ ఖరీదు కేవలం రూ. 399 మాత్రమే. అదనంగా ఏడవ సిలెండర్ కావాలనుకునే వారు మార్కెట్ ఖరీదుతో పోలిస్తే, దీనికి రెట్టింపు డబ్బు చెల్లించాల్సి ఉంటుంది.

గతంలో డిస్టిబ్యూటర్స్ సిలెండర్‌కు రూ. 65 కమీషన్ తీసుకునే వారు. మార్కెట్లో కమర్షియల్ సిలెండర్‌కు ఇదే కమీషన్‌ను తీసుకుంటున్నారు. ఇప్పడు కేంద్ర ప్రభుత్వం పెంచిన ఈ కమీషన్‌ను డైరెక్టుగా డీలర్స్‌కు చెల్లించనుంది.

తెలుగు వన్ఇండియా