ఇటీవల రిజర్వ్ బ్యాంక్ ఆఫ్ ఇండియా(ఆర్‌బీఐ) నగదు నిల్వల నిష్పత్తి(సీఆర్‌ఆర్)ని పావు శాతం తగ్గించడం వల్ల కలిగిన ప్రయోజనాన్ని ఖాతాదారులకు బదలాయించినట్లు ఎస్‌బీహెచ్ పేర్కొంది. బేస్ రేటును తగ్గించడం వల్ల కార్పొరేట్, ఎంఎస్‌ఎంఈ రుణాలతో పాటు చలనా విధానంలో తీసుకున్న అన్ని రుణాలు కారు, గృహ, వ్యక్తిగత రుణాలపై కూడా వడ్డీరేట్లు తగ్గుతాయని పేర్కొంది.

రుణాలపైనే కాకుండా డిపాజిట్ ‌పై ఉన్న వడ్డీరేట్లను పావు శాతం తగ్గిస్తూ స్టేట్ బ్యాంక్ ఆఫ్ హైదరాబాద్(ఎస్‌బీహెచ్) నిర్ణయం తీసుకుంది. వివిధ కాలపరిమితి గల డిపాజిట్లతో పాటు ఎస్‌బీహెచ్-500, ఎస్‌బీహెచ్-1,000, ఎస్‌బీహెచ్ డబుల్ వంటి ప్రత్యేక డిపాజిట్లపై కూడా వడ్డీరేట్లను పావు శాతం తగ్గించింది. డిపాజిట్లపై తగ్గిన రేట్లు కూడా అక్టోబర్ 1 నుంచి అమల్లోకి వస్తాయని బ్యాంక్ వర్గాలు తెలిపాయి.

తెలుగు వన్ఇండియా