స్టేట్‌ బ్యాంక్‌ ఆఫ్‌ హైదరాబాద్‌ తమ ఖాతాదారుల కోసం ఈనెల 31 వ తేదీ వరకు హోమ్‌, కార్‌ లోన్‌ క్యాంపెయిన్‌ను ప్రారంభించింది. మొత్తం 1484 బ్రాంచ్‌లలో ఈ ఫెస్టివ్‌ క్యాంపెయిన్‌ను ఖాతాదారులు వినియోగించుకోవచ్చని ఎస్‌బిహెచ్‌ అధికారులు తెలిపారు. కారు లోన్లు, గృహ రుణాలపెై 50శాతం బేసిస్‌ పాయింట్స్‌ ఇస్తున్నట్లు చెప్పారు. కారు లోన్లకు ఈ క్యాంపెయిన్‌లో ఎలాంటి ప్రాసెసింగ్‌ చార్జీలు ఉండవని, గృహ రుణాలకు మాత్రం ప్రాసెసింగ్‌ ఛార్జీల్లో 50 శాతం తగ్గింపు ఉంటుందన్నారు. గృహ రుణాలకు రూ.లక్ష వరకు రుణం తీసుకున్నవారు 30 సంవత్సరాల పాటు నెలకు రూ.915 చెల్లించాల్సి ఉంటుందని తెలిపింది. కారు లోన్లు రూ. లక్ష తీసుకున్నవారు ఏడు సంవత్సరాలపాటు నెలకు రూ.1699 చెల్లించాల్సి ఉంటుందని ప్రకటించింది.

ఇది ఇలా ఉంటే రిజర్వ్ బ్యాంక్ ఆఫ్ ఇండియా ప్రకటించిన వడ్డీ రేట్లను దృష్టిలో పెట్టుకోని ఎస్‌బీఐ కనీస రుణ రేటు(బేస్ రేటు)ను పావు శాతం తగ్గించి 9.75 శాతానికి పరిమితం చేసింది. ఆర్‌బీఐ సీఆర్‌ఆర్ రేటుని తగ్గించిన నేపద్యంలో ఈ నిర్ణయం తీసుకున్నట్లు ఎస్‌బీఐ చైర్మన్ ప్రతీప్ ఛౌదరి పేర్కోన్నారు. ఆర్‌బీఐ ప్రకటన అనంతరం బేస్ రేటును తగ్గించిన తొలి బ్యాంకు స్టేట్ బ్యాంక్ ఆఫ్ ఇండియానే. ఈ బేస్ రేటు ప్రభావం మార్జిన్లపై 0.04 శాతం మాత్రమే చూపనుంది.

తెలుగు వన్ఇండియా